حرابة سلاطين الدول منبع الفرسان= يوم ان الايادي طلق ماهي مكتوفه(لافي الغيداني

تاريـخٍ انجـازات اهلـه نالـت استحسـان=دهاة العرب مـن بـاب صنعـا ليا الكوفـه
بروايـز صفحاتـه مـن اللـول والمرجـان=ومن واحد وعشرين الذهـب تكتـب حروفـه
تاريـخٍ ماضـرّى للتهـاون وللـخـذلان=مضـرا لتتويـجـه الأفـعـال منصـوفـه
منصوفه بين اللـي لبسـوا هامتـه تيجـان=وخلوها تعانـق هامـة الجـدي... وتطوفـه
تبا تقـوم ناقـة صالـح وعزهـا مانهـان=مدام ان بنـي سالـم... ومسـروح مكنوفـه
حرابة سلاطيـن الـدول.. منبـع الفرسـان=يـوم ان الايـادي طلـق ماهي بمكتـوفـه
ضربنا اروع الامثال فـي نخـوة الجيـران=ودون اخويانـا نقطـع الــراس وانلـوفـه
فدينا الخـوي بـارواح ستـه مـن الشبّـان=غير اللي بشـذرة مرهـف الحـد منسوفـه
بالاد الحلال ان كان ماهـي علـى البرهـان=بالاسمـاع مسموعـه... وبالعيـن مشيوفـه
غير اللون الابيض للخوي مانعـرف الـوان=ماتصبح بنـا هقـوات الاصحـاب مكسوفـه
ونسـوي لاسوينـا المعاريـف بالمـجـان=مخلوفـه...والا انـشالله ماهـي مخلـوفـه
كذا طبعنـا ...مـن الله خلقنـا وحتـى الان=مواقيفـنـا بالخـيـر والـشـر معـروفـه
ولامنا عطينـا ظهورنـا.. قصدنـا حقـران=ماننظر خلاف.. ونترك الضعـف لضعوفـه
ولامنـا عطينـا نحورنا...نشبـه الطوفـان=نعـز الصديق....ولحيـة الخصـم منتوفـه
بحالة رضانا...نجـزا الاحسـان بالاحسـان=وبحالـة غضبنا....مانخلـي لنـا حسـوفـه
يعني ..نزعل الراضي..ونرضيك يالزعـلان=بيـومٍ معازيبـه تـبـرّا مــن ضيـوفـه
لنا في سنـام المجد..مجـد وحمـا واوطـان=وعلى غاربه نرقى...مانرقـى مـع ردوفـه
بكـل اختصار...اقولهـا بالـفـم الملـيـان=اخذهـا علـى ماقالـوا النـاس مكشـوفـه
لامنـا دخلنا...ندخـل مـع اوسـع البيبـان=على المجد...لين المجد يرخـي لنـا اكتوفـه
وبـاق القبايـل والنعم...مابهـم نقـصـان=على الله تعالى أدخـل عـن الظلم...وحتوفـه

الشاعر الكبير/ لافي بن حمود الغيداني

صح السان لافي وبيض الله وجهه

بيض الله وجهك علا هذه الشامخه يالافي بن حمود الغيداني

قصيدة رائعة جدا
ولا يستغرب الروعة والأبداع على من يملكه

صح لسان أبو حمود

وسلمت يمينك على النقل .

صح السان ابوحمود وبلا شك فأنه يعتبر مدرسة شعرية ولاهنت اخوي على النقل المميز
وتقبل مروري

راعي الوفلا بيض الله وجهك وجه الشاعر الكبير لافي الغيداني

حرابة سلاطين الدول منبع الفرسان= يوم ان الايادي طلق ماهي مكتوفه


صح لسان شاعرنا الكبير لافي الغيداني

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

شررررفني مروركم

قصيدة رائعة جدا
ولا يستغرب الروعة والأبداع على من يملكه

صح لسان أبو حمود

وسلمت يمينك على النقل .