اقرب جاي يا فهد عواضه

يا فهد هات العلوم المره*والرجال تنادي=والعلوم الطيبه ماجوده*وانت هات المره
قالو انك عشت يم الحره*والسيوف حدادي=والسيوف اللي تبا محدوده*وانت يم الحره

العلوم المسعطه بالصره**يابن الاجوادي=من معي فكر يزل حدوده**له بفك الصره
صايرن مري تقص الجره**بالمشي متحادي=وصاحبك راسه سنده عضوده**وانت قص الجره

[table1="width:95%;"]

كان تبغانا نعيد الكره*حدهم من غادي=زيد قا لو كرته مردوده*وانا اعيد الكره
كيد من قالو تئبط شره*نارها وقادي =تولع النيران قدح زنوده*لو تئبط شره

الف شكر لمرور مراقبنا حمود الغيداني الذي نسعد به دوما والفن والجزاله عند اخوي فهد عواضه بس حبيت احرك هواجيسه لنحصل علا ما يمتع الاخوه الشعار والجمهور

ماعلا صاحبك خيفه مره**والدروب مهادي=وان لزم للملح والباروده**ماعليه مره
الليالي للعرب مفتره**كم سطي بالمادي=اضعفت حيله وهدت عوده**ضربتن مفتره

انت شاعر جيت بالمغتره * والثياب جدادي=والموارد كلها ماروده** جيت با لمغتره
هات علم وجاك علم وسره*واحذر النقادي=لاتجي للفله المهدوده*جاك علم وسره

قلتها مبسوط ولاحره**كاش ماش جهادي=والسنافي ياصل لمقصوده**منبسط لو حره
راعي الشر يالسنافي شره**ولاهداه الهادي=فيه تالع والرجال شهوده**والمصيبه شره

بيض الله وجيهكم


طاروق رائع بما فيه من معاني

إضافه الى اللحن


لاهنتو

حمود الغيداني شرفنا مرورك
لاهنت بيض الله وجهك

ليه ماجبتو هذيك الدره *و العرب هجادي =وكل حي ياصل بمجهوده* وين ذيك الدره
كان وانك صانع للذره *قول هاذي امجادي=فتشو للمجد وسط شنوده*و صانع للذره