شكوى لغير الله يقين فلسها

هـــــم بروحي ســـمها وافترسها=فرس الجراد المخـضرات الفياضي
ساق وتساقا بالضمير وعـمسها=والحال من جور الهواجيس قاضي
عن بعض هومات المراجل حبسها=ابغى النهوض وصار صعب انتهاضي
يالله ياخلاق سبع بحرسها=ومن مثلهن مديت سبع الاراضي
وارسى رواسيها وثبت اسسها=من خوف ردة فعلها بإنتفاضي
وقدر وزاد اقواتها مابخسها=يعطي ويمنع ماعليه اعتراضي
ارجيه رجوى مخلص ماغمسها=نفسه عسرها للنقا والبياضي
يبدل لنا شهب الليال ونحسها=بأيام تنسينا شقى كل ماضي
شكوى لغير الله يقين فلسها=ومن شك قلبه مابه ايمان فاضي
مشرك ولو كل المناهج درسها=ومغضب ولي الكون وابليس راضي
وعن سنة الهادي دروبه عكسها=وله حياض النار عدة حياضي
يالآدمي دنياك يرهب شرسها=لو تعجبك ماتمهلك بالتغاضي
فكر بها في كل حكمه وقسها=مافات منها للبشر مايعاضي
كم خير منها المراره لحسها=عقب البراد استاقته للرماضي
دنيا دنيه شرها في نفسها=طويل وازماته طوال عراضي
تضحك وتبكي عقب لذة ونسها=منها كوايا العبد دايم نجاضي

شكوى لغير الله يقين فلسها=ومن شك قلبه مابه ايمان فاضي
مشرك ولو كل المناهج درسها=ومغضب ولي الكون وابليس راضي

صح لسانك

نص شامخ شموخ الجباااال

لاهنت ياخلف

صح لسانك

نص شامخ شموخ الجباااال

لاهنت ياخلف

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك

أبيات غاية في الجمال والروعة

تحياتي لك

دمت بخير

الله يسلمك

كلمات جزلة ووافية من شاااااعر كبير ومتمكن

صح لسااااااااانك

صح لسانك كثر حروفها واكثر والله

اعجابي بلا حدود

صـــح لسانك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي