يستاهل اللي يعكس السير لفته

السلام عليكم ورحمة الله وبركاته
بدون مقدمات من الارشيف قصيده اتمنى ان تحوز على رضاكم

الصدر ضايق والهواجيس جنٌي = مدري وش اللي بالزمان اقترفته
ياخوي في بعض البشر خاب ظني = لاتلومني لاقلت هاذاك عفته
لاشك فيهم شفت شيٍ غبني = لكن ماني قايلٍ ويش شفته
الحر يفهم مايحير ويصني = يكفيك مني وصفي اللي وصفته
واليا افتهمت العلم ردده عني = العلم ينسب لي وانا ماحرفته
في سد وجهي مايجي شك مني = وانا على ميقافي اللي وقفته
اغلق اللازم على صغر سني = واليا مشيت انهي طريقٍ نصفته
ما اخلفت مع ربعي والاصحاب قني = وافي مع الوافي بحلفٍ حلفته
واللي تحيزم بي وصد وجهلني = ماني حزامه وان سفهني حذفته
اللــه يعلم وش عباده تكني = والقدر لا شلت الغطاوي كشفته
راع الحسد والحقد دايم مدني = واليا دحمته بالمواقف عرفته
انا حزام اللي لاجيت امتعني = ايثمن اجنيه الذهب لاصرفته
وترى المراجل ماتجي بالتمني = وانا جنيهي مكسبي ما استلفته
ان جاء نهارٍ به اطبولٍ تدني = ما والله ايخيب الحصان ان عسفته
واليا اعترض راع الخطا والتجني = يستاهل اللي يعكس السير لفته
اما تعدل واصبح الحكم صني = والا بطلقات المدافع قصفته
ماني عقم لاسال وادي دفني = ولاني بسيلٍ كل هافي جرفته
ضلعٍ ومن صفق الهوا مايوني = راسي وقاسي ماحصل فيه عفته
ومهما حصل ياخوي ما احرقت بني = ولافيه غير الله من الناس خفته

وسلامتكم

تركي

صح لسانك .. مدد .. بلا عدد .


قـــــمــــــه مـــن قـــــمــــــه .

تركي

صح لسانك

اخوي العزيز تركي الشيخ صح لسانك مليون على القصيده الوافيه وهي من راس وافي لاهنت ياتركي تقول وتطول سلمت ودمت ودام هذا التميز والابداع ياشاعرنا الرائع والراقي في كل ماتكتب ياتركي الشيخ لاهنت وبيض الله وجهك وتقبل مني صادق الود والتقدير والاحترام لشخصك العزيز

الله اكبر عليك ياتركي الشيخ
كفو كفو كفو اشهد انك شاعر وشاعر وشاعر لا وبعد شاعر
جزل وعرف ومفهوم للقصيد يعجز عنه بعض الشعار
واصل ولك مستقبل ينتضرك على احر من الجمر

صح السانك وبيض اله وجهك حويت الجزاله والروعه بالسبك والمال بالفظ

صح السانك

وانت سالم يا تركي ..

قصيدة جزله .. فيها من المعاني الكثير والكثير ..

لك الفخر يا ولد الاجــواد ..

وبيض الله وجهك .. وعاش قنك ..


اابو بتال

ما اخلفت مع ربعي والاصحاب قني
وافي مع الوافـي بحلـفٍ حلفتـه

كفووووووووووو

وصح لسااااااااانك

وسلم بنانك

قصيدة جمييييله جداااااااااا

تسلم يالغالي

قصيدة جزله .. فيها من المعاني الكثير والكثير ..

تركي ... سلمت ولا ندمت ..

	المشاركة الأصلية كتبت بواسطة تركي الشيخ

	السلام عليكم ورحمة الله وبركاته بدون مقدمات من الارشيف قصيده اتمنى ان تحوز على رضاكم الصدر ضايق والهواجيس جنٌي = مدري وش اللي بالزمان اقترفته ياخوي في بعض البشر خاب ظني = لاتلومني لاقلت هاذاك عفته لاشك فيهم شفت شيٍ غبني = لكن ماني قايلٍ ويش شفته الحر يفهم مايحير ويصني = يكفيك مني وصفي اللي وصفته واليا افتهمت العلم ردده عني = العلم ينسب لي وانا ماحرفته في سد وجهي مايجي شك مني = وانا على ميقافي اللي وقفته اغلق اللازم على صغر سني = واليا مشيت انهي طريقٍ نصفته ما اخلفت مع ربعي والاصحاب قني = وافي مع الوافي بحلفٍ حلفته واللي تحيزم بي وصد وجهلني = ماني حزامه وان سفهني حذفته اللــه يعلم وش عباده تكني = والقدر لا شلت الغطاوي كشفته راع الحسد والحقد دايم مدني = واليا دحمته بالمواقف عرفته انا حزام اللي لاجيت امتعني = ايثمن اجنيه الذهب لاصرفته وترى المراجل ماتجي بالتمني = وانا جنيهي مكسبي ما استلفته ان جاء نهارٍ به اطبولٍ تدني = ما والله ايخيب الحصان ان عسفته واليا اعترض راع الخطا والتجني = يستاهل اللي يعكس السير لفته اما تعدل واصبح الحكم صني = والا بطلقات المدافع قصفته ماني عقم لاسال وادي دفني = ولاني بسيلٍ كل هافي جرفته ضلعٍ ومن صفق الهوا مايوني = راسي وقاسي ماحصل فيه عفته ومهما حصل ياخوي ما احرقت بني = ولافيه غير الله من الناس خفته وسلامتكم

سلمت ودمت وصح السانك رائعه بكل ما تعنيه الكلمه

انا حـزام اللـي لاجيـت امتعنـي = ايثمن اجنيـه الذهـب لاصرفتـه

حتى هالقصيده ذهب بارك الله فيك