على جبين الوقت بادي علامات

السلام عليكم ورحمة الله وبركاته

ياحي لاتبكي على المَيْت لا مات
أبكي حيـاة الحي في وقٓت زفَّت

على جبين الوقت بادي علامات
فيها الحقايق واضحة ماتخفَّـت

الأرض تشكي للسماء فقد قامات
تنـدب لهـا نـوع من الناس قفَّــت

سادة عـزاز نفـوس وافين ذمات
كبار قـوم وفي المواجيب وفَّت

ياما عليهـا عاش روس وهامات
دارت رحـى الدنيـا عليهم ولفَّـت

بفقدهم والعالم يعيـش فأزمـات
كواكب كانت على الأرض طفَّت

مزن أستهل وحول الجدب جنات
منه الأوادم والمحـول أستشفَّـت

وقت يعوض فالصقور الحمامات
لا حـام حـر في سمـاهـا تكفَّـت

على وجيه الناس للوقت بصمات
وهمـوم منهـا فالخوافيـق صفَّـت

محـد سلم مابين كدمـة ولكمـات
حتى المشاعر والأحاسيس جفَّت

البيرق

صح السانك وعتلاشانك اخي البيرق كتبت
قصيده رايعه لابدلمن يقرءهاان يقرءهاعدة
مرات حيث قراءتهاممتعه جدابيض الله وجهك
على هذالقصيده الاأجمل من نوعهادمت بخير

	المشاركة الأصلية كتبت بواسطة محمدالعيسى

	صح السانك وعتلاشانك اخي البيرق كتبت قصيده رايعه لابدلمن يقرءهاان يقرءهاعدة مرات حيث قراءتهاممتعه جدابيض الله وجهك على هذالقصيده الاأجمل من نوعهادمت بخير

صح بدنك ووجهك أبيض
تشريفك للموضوع أجمل
أسعدني مرورك أخي العيسى
تحياتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك
الله يعافيك ووجهك أبيض
تحياتي

صح لسانك
قصيدة رائعة

	المشاركة الأصلية كتبت بواسطة حسيـن

	صح لسانك قصيدة رائعة

صح بدنك
يعطيك العافية
تحياتي

صح الله لسانك
ولاهنت
وسلم فكرك وبنانك
دمت برعاية الله وحفظة