افراق الانذال طب القلب وعلاجه

يومن بحر المعاني هاجت امواجه = نويت اعبر وسوق القاف بسلوبي
ونخيت من يجدي المحتاج لحتاجه =وبعد عن الي دروبه ماهي دروبي
يا الجيب روح ترى معادلي حاجه =في واحدن ما عرف قدري وماجوبي
روح عن الي ماغير يعقد احجاجه = كنه ليا قال كيف الحال مغصوبي
الي يبدل شداد الحر بحداجه =قصرت عن منزله رجلي ومندوبي
ماني بحاجة بخيلن طافي اسراجه = ياكثر ناسن ليامريت هلوبي
الطيب ماكل من هازه لبس تاجه =حصة بحر دونها عشرين شاذوبي
الطيب يبغى كلام وفعل ومواجه = كلام صامل ماهي بمزوح وعجوبي
ماحازه الي صدا قلبه مثل صاجه = يضحك معي ون مشيت يحش عرقوبي
والي يحذف العرب ويديه منعاجه =ماهوبصايب وهوبيديه مصيوبي
دايم كثير الكلام اقليل انتاجه= ومن لايهاب العرب ماهو بمهيوبي
لاصار هراج يتبع نا س هراجه = ان كا ما باح سري ماقضى نوبي
افراق الانذال طب القلب وعلاجه = وعندي ثقه ما عليه لوتناجوبي
يقولها شاعرن معروف منهاجه= مثا يله ماطرقها كل ماهوبي
قدام يدخل يميز كيف مخراجه= والكامل الله وكلن فيه عذروبي

الشاعر علي الحصني

صح السانك يالغالي

الله يبيض وجهك

قصيدة ورائعه

تحياتي وتقديري
عاشق بريده

شـــاعـــر
المحاوره
علي الحصني

صح لسانك وماقصرت يالغالي

وبيض الله وجهك

تحياتي لك
الصـ الجارح ـقر

عاشق بريده هلابك ومشكور على مرورك العاطر وردك المشرف

تحياتي

الصقر الجارح هلابك ومشكور على مرورك العاطر وردك المشرف

شاعر المحاوره علي الحصني

صح لسانك

وبيض الله وجهك يالغالي

اخوك
سلطان

الشاعر علي الحصني

صح السانك

وعلي شانك

سلكان
مشكور على مرورك العاطر
وكلامك الطيب
تسلم وتدوم ومشكور على التواصل

بــــــــــــــــــــــند الحربي
مشكور على مرورك العاطر
وردك الوافي هـــــــــــــــــــــــلابك
لاهـــــــــــــــــــــــــــــــــــــــــــــــ ــــــــــــــــنت

الشاعر: صح لسانك و بارك الله فيك