لا ياعذا عرق(ن) سقى جمة البير ×× وأغنى مراويها وخضَّر شجرها

لا ياعذا عرق(ن) سقى جمة البير=وأغنى مراويها وخضَّر شجرها
لاتسوق في ليل الهبوب المعاذير=ما كل ليلة يستوي لك قمرها
ولا تخيل لادكت خيارالمغاتير=برق السحابة اللي بعيد(ن)مطرها
يكفيك من لقمان حسن التدابير=ويسد من زرقاء اليمامة نظرها
دام الجزايل راجحات التعابير=تعطى لرجل(ن) مايِنيِّر ذمرها
عزيز من يربح نهار المخاسير=وعزاه من عنده ثمينة كسرها
الرجل لو حالت عليه المقادير=لاشاف كسرة من رفيقه جبرها
مايعيد لاطاح الجمـل للمناشير=ويقصر خطاه وعثرته ماسترها
وياهاجسي وأين البشر والتباشير=وأين العيون اللي تطاير شررها
أعيتني الدنيا بكثر التفاكير= والعين جافت نومها من سهرها
دارت عليَّه أطلالها بالتداوير=وأطرى عليه الدار واللي عمرها
راحوا عن الديرة وقفوا مسايير=وشدوا منازلهم وخلَّوا أثرها
يا الله ياحيٍّ لك الخير وتخير=تخير للي حاجته ما قدرها
من جور دنيا مقبله بالمناذير=ومن شرنفس(ن) غاوية في كدرها
من لا رفع نفسه بحشمه وتقدير=يتبع هواها لاهوت ماهجرها
لابد من وقت(ن) تجاب التقارير=ويذوق راع الحنظلة من ثمرها

مساءك سكر :

الغالي لافي :


كتب الصعب . . الصعب حرفة العظماء !!

صح لسانك وسلم بوحك ..

	صح لسانك مليون على القصيده الله يـعـطـيـك الـعـافيـــــــــــة بيض الله وجهك

ومن قال سالم و غانم

صح الله لسانك

قصيدة رائعه بحق

تحياتي

اخوك

صح لسانك وانا اخوك على هلقصيدة الأكثر من رائعة

صح الله لسانك

قصيدة رائعه بحق

صح لسانك وبيض الله وجهك

نص جميل وشاعر بارع

تقبل تحياتي

راعــ(البل)ــي

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

صح لسانك




ابيات في غاية الروعه

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه