معيض العجي الحربي و مستور العصيمي

في محل اهل الوفى والطيب ورجال الكرامه = مرحبا باللي حضر في حفلهم من كـل ديـره
ثم اهني من حضر عقب المغيبـه بالسلامـه = والعلوم مفسـره يالله عسـى بالأمـر خيـره
البقا ياشاعر يفرض علـى النـاس احترامـه = العميل اللـي يخلـص فالكبيـره والصغيـره
احسب ان شعيل الأشقر ماع شحمه عن سنامه = له سنين طوال ما اسمع لا رغاه ولا هديـره
صاحبك يعطي حقوق الناس ومكمـل نظامه= يشتري ويبيـع ومجـود مضاميـن البريـرة
وانت ماتجهل شعيل يشيل مخه فـي عظامـه = محتسي ممشى المشاه ومحتسي ممشا المغيره
يامعيض الوقت فيه مغالطـه مـدري علامـه = حد سكينـه علـى النـاس الغنيـه والفقيـره
نعرف الرجال من فعله ومن منطـق كلامـه = لا تحط الاولـه ياصاحبـي جنـب الأخيـره
لا تلوم اللي يحط القفش الأحمر في حزامـه = وانت لك شي ظهر مانته بـداري بالسريـرة
بعض خلق الله تضيع ابه الروابع في منامـه = وان صحى بلشان بين الوارده واللي صديـره
البنادم مايحاسـب غيـر فـي يـوم القيامـه = يالله انـك لاتوريـنـا بعمـيـان البصـيـره
بـعـض الـدعـاوي يالعجي مابتلحقنا ملامه = لا توقفنـا علـى حيـد الرحـاه المستديـره
البنـادم مقتفيـه حسـاب وحسـابٍ يمـامـه = وانت برق ويش لون النار في جنب الذخيـره
مايجيك اللوم وانته مادحمت أهـل الرغامـه = مير دنيانـا تـدور وصـار للجـرة جريـرة
لو لزمنا المـوس يمدينـا تعلمنـا الحجامـه = ان لزمناهـا خطيـرة وان تركناهـا خطيـرة