جيت ابارك واهنًي بالشًهر خير الشًهور

اسعد الله مساكم يارفيعين المقام = جيت ابارك واهني بالشهر خير الشهور
بارك الله بالعمل من صيام ومن قيام = ويرحم اللي توفو واسكنو تحت القبور
ياعسى يقبل علينا وعليكم كل عام = بالهنا والعافيه سالمين من الشرور
قلتها من لساني مير في قلبي كلام = المشاعر ضايعه مالقت نقطة عبور
من تغرًب بالوطن ماعرف طعم المنام = حالة اهل الشام بين الضحايا والكسور
ظنًتي افطارهم قنبله عقب الصًيام = واليتاما تشرب دموعها قبل السحور
والعرب مافرًقت بالحلال من الحرام = للفتاوي يحترون النًتايج للظًهور
مير دعوه صادقه للذي يكسي العظام = يرفع المسلم يده بالتًضَرًع للغفور
لايروح الوقت بين المسلسل والطًعام = ادعو المولى يحطًم سلاح اهل الفجور
ياعسى بعد الصًبر والصًبر مثل الظلام = نفرح بموت الافاعي ونضحك للنمور
قلتها يوم مدري وين اوجًه بالتًمام = جيت اهني وابارك واختلط حبل الامور
عين تبكي على اللي مساكنهم بالخيام = وعين تنظر على اللي مساكنهم بالقصور
وياصلاتي عدً ماعدًها راعي الختام = عالنبًي الهاشمي عدً ايًام العصور

كﻵم جميل
يسلم فكرك.

راع الطويسه
صح لسانك
وتفبل الله منا ومنك صالح الاعمال

صح اسانك وتقبل الله منا ومنكم صالح الاعمال ونصر الله المجاهدين في كل مكان وازال الطغاه
الجبارين واسقط رايتهم وجعلهم اذلة صاغرين

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صحًت الابدان
كل عام وأنتم بخير جميع