حال البشر من حولنا شايفه غير .................

بسم الله الرحمن الرحيم

سلام مع باقه بها الورد فوّاح = ممزوجةٍ بالود مع كل تقدير
لشّاعر اللي للجزيلات لمّاح = نظم القوافي هو لها دايم ايدير
وازيّنه بعد التحيّات بوشاح = من نور شعشاع القمر زاد تنوير
برسل له ابياتٍ بها الراس قدّاح = ابيات شعرٍ تنشد اليوم تفسير
يا بو طلال الفكر بالحال سوّاح = حال البشر من حولنا شايفه غير
البارحه في غيهب الوضع سبّاح = واليوم في دربي علامات تحذير
حالٍ غدا مابين الاجناس ياصاح = فيه الخطر مكتوب في وسط تقرير
شيٍ يخلّي صاحب العقل شوّاح =هي فتنةٍ ولآّ حسابٍ وتطوير
ثورات قامت بين صايح وذبّاح = في ديرة الاعراب فواحة الكير
وكم راس بعد العز ياصاحبي طاح = وامسى سجينٍ بعد صفوه بتعكير
وفي ليبيا بالحرب كم راحت ارواح = وفيها النساء صاروا ارامل بتهجير
قذّافها جرذٍ توطّاه تمساح =جاثم على خشمه بالاقدام تعفير
عساه في نارٍ تلظّى وتلفاح=ويحاسبانه منكر اليوم ونكير
و في سوريا دم البشر بالثرى ساح=اخبارهم مابين قتلٍ وتدمير
ناسٍ على السنّه تحت بطش سفّاح =واطفال مثل الزهر تقطف بتنحير
نبكي عليهم بعد ما تنزف جراح = شعبٍ فنى من دون مانشوف تغيير
عامين تمضي والمشابيح تجتاح =ارض وعباد وشمخٍ راسها يطير
وارض المجوس تمد طاغوتها سلاح =والفيتو من دار الحمر صوته ايغير
وقلوبهم بالغلّ تخطيطها فاح = رسم الخميني للمجاوير تصدير
وبعون ربي الفرج بيرقه لاح=في جيش حر واثق الخطوه ايسير
ويقطع لنا راس المجوسي وينزاح=وتخسى شياطينٍ زبنها بتنصير
وفي تونس الخضراء تهاويل ونياح =خلّوا حراميهم بالاموال ايطير
حالٍ غشاها من العسم يلزم ايضاح=من شرقها للغرب تحتاج تطهير
وارض العراق اليوم بالظلم تجتاح = طوايف وفتنه صحت بعد تخدير
الموت فيها بالهويه والاضراح = حضارةٍ ضاعت بليات تعمير
وارض الكنانه مابها الناس ترتاح = متجمهرين بوسط ميدان تحرير
ضاعت مباديهم ورآ كل شبّاح = ثورة جياع وماجنوا خبز وشعير
حتى اليمن صارت تدوّر للاصلاح = متسلحين بجوع من دون تبصير
تقاتلوا كلن يدوّر للارباح=ضاع الامن فيها وتحتاج تجبير
واهل الكفر اعلامهم بالردى فاح = يستهزءون بديننا بدون تفكير
والقلب من غبنه صرخ دون صيّاح = حزب له ينّدد وحزبٍ بتكسير
ونبينا محشوم من رسم فضّاح =ومن كل فاسق تابع لكل شرّير
يحميه رب الكون من كل نبّاح= ومنهو تطاول عالنبي يموت فسعير
واستغفر الله كان بالوقت افساح = يغفر لنا زلاتنا وكل تقصير
يالله يارب(ن) خلق حزن وافراح = يامنزل القرآن للخلق تبصير
تخزي نفوسٍ شرها صار نزّاح = وتكوي بنارك كل ظالم بتحقير
وتحفظ لنا دارٍ بها العز جمّاح=دار السعودي ولانبي غيرها دير
من حبّها نخفض لها الكف بجناح=نرخص لها الغالي وفدوه لها يسير
هي ديرتي لو صار بالوقت مرواح =على الشريعه ماتزحزح ولآ تدير
شعبٍ توالف مع ولاته وبسماح=فيه الوفاء من عالي الرجم للبير
وصلاة ربي عد نجمٍ لنا لاح = على الرسول بأجمل الوصف تعبير

ناصربن مصلح

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

الشاعر ناصر مصلح الاحمدي
صح لسانك شاعر جزل يابن العم
الله يكفينا شر الفتن ماظهر منها وما بطن

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

صح بدنك يالغالي ووجهك ابيض

ويعافيك ربي ان شاء الله

شكرا لمرورك العطر وكلامك الجميل

	المشاركة الأصلية كتبت بواسطة سعد المحمدي

	الشاعر ناصر مصلح الاحمدي صح لسانك شاعر جزل يابن العم الله يكفينا شر الفتن ماظهر منها وما بطن

صح بدنك وماعليك زود ياشاعر حرب

وربنا يحفظ الجميع

شكرا لمرورك العطر وكلامك الجميل

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك وسلمت كلك ولا هنت

وربنا يحفظ الجميع

شكرا لمرورك العطر وكلامك الجميل

صح لسانك

والله يـعـطـيـك الـعـافيـــــــــــة

بيض الله وجهك

	المشاركة الأصلية كتبت بواسطة بخيتان البشري

	صح لسانك والله يـعـطـيـك الـعـافيـــــــــــة بيض الله وجهك

صح بدنك يابومحمد ووجهك ابيض

ويعافيك ربي ان شاء الله

شكرا لمرورك العطر وكلامك الجميل