رجال البحر

.

أسعد الخلق رجالٍ بريٍ لدينه=لا يجامل لزيد ولايجامل عمرو
راعي الطيبه يالله ارحم والدينه=ولطوال العمار إدعي بطول العمر
ويالله انك لا تِظهِر ذكري الا بزينه=كان ماهي بزينه وش يفيد الذكر
الاصابع تفاوت والمثل عارفينه=وكل رجلٍ حسب ما الله كتب له قِدَر
فيه رجلٍ لزينه وفيه رجلٍ لشينه=راعي الشينه ماهو من رجال الظفر
وكل ظفرٍ عسى ربي يطول سنينه=حيث وانه مظفر وقت خيرٍ وشر
و حيْ ماالله هداه يَحّسِبْ يساره يمينه=ومن كُتِب له هدايه من يسر في يسر
ومن تَنَّشَا على الطالات طالت يدينه=ومن يبا نقص غيره عن كماها قِصَر
تلقى فالخلق من يفرح لحاز الثمينه=وتلقى من هو يوزعها ل مِيَّة نفر
ومن حُرِم من دروب الطيبات ؛ الغبينه=والجمايل فيدين ارجالها ماتفر
والمراجل سوات الحوت تحت السفينه=ياتعشوْ بشَر ولا كلوهم بشر
والبِشَر مثل طُلاب المدراس ذحينه=أحدْ يجيب الميه وأحدٍ يجيب الصفر
وكل سبعٍ بمخلابه يهوم السمينه=وليتها بالمنى .. مقيوله غيرك شِطَر
وكل غابه بأسدها وكل أسد له عرينه=تاجد اعظام صيد السبع شاهد نظر
ومافي حوَّاته الا والبحر سابحينه=يسبحون البحور ويسبحون النهر
وفيه للغوص قوم وقسمهم خابرينه=يدخلون العميق ويُظهِرون الدرر
والمثل من قديم وكلكم سامعينه=مارجالٍ يقول ألا رجال البحر

وسلامتكم

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسااااانك مليووون وبيض الله وجهك

قصيده جزله في غاية الروعه والجمال والابداااااع

الله يعطيك العااااافيه دمتم ودام ابداااااااااعك

ودي واحتراااااااامي