سوق الشعر

السوق ميدان واسع والبضايع داخل السوق = كلن يقدم حصيله والشرا والبيع جاري
احد يجيب السمين الي تزيد المشتري شوق = تجمل اللي شراها يوم مالت للمشاري
المنظر الزين والمضمون صافي مابها عوق = من شافها قال نالت كل شوقي واختياري
يوم ابيض الوجه جلبها تعلت رايته فوق= لاجله حماها من التزييف والغش التجاري
حدد ثمنها وجا سوامها والطاق مطبوق = ولاشكا من غلاها من لفاللزين شاري
صوغ الذهب يشترونه بالذهب دايم هل الذوق = واللي يصوغ الذهب عارف تقاسيم العياري
واغلى صنوف الذهب قول لراع الفكر منطوق = حكمة وتهذيب للاقوال والمعنى خياري
هذا يسمى الحكيم ومنزله بالحيل مرموق = وينال في المجتمع حشمة وعزة واعتباري
وليا حضر مجلس عند العرب ماهو بمسبوق = القول قوله وماقاله له المفعول ساري
وبعض البضايع تجي وتروح ماجازت لمخلوق = من جابها ماسمع للسوم عند الناس طاري
مسلوبة الوصف والجودة وفيها عيب محقوق = جلابها من وراها ماكسب غير المزاري
هذاكلامي نظمته ثم قدمته على الروق = مادري يصيب الهدف واللا الخطا داخل قراري
,والراي لك وانت راع الاولة ماانت بملحوق= قاضي وتملك حقوق النقد والختم الوزاري

صح الله لسانك
ولاهنت
وسلم فكرك وبنانك
دمت برعاية الله وحفظة

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك وطال عمرك
تحياتي

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك وطال عمرك ووجهك ابيض
والجزالة لكم
تحياتي

كل عام والجميع بخير وعساكم من عواده

صح السانك ودام عزك وبيض الله وجهك

قصيده في غاية الروعه والجمال الله يعطيك العافيه

دمتم على العز والتقدير

	المشاركة الأصلية كتبت بواسطة وليف الشوق

	كل عام والجميع بخير وعساكم من عواده صح السانك ودام عزك وبيض الله وجهك قصيده في غاية الروعه والجمال الله يعطيك العافيه دمتم على العز والتقدير

حياك الله وكل عام وانت طيب
شكرا على مرورك المميز
ولك تحياتي

كلام حلو ..
سلمت ..

صح لسانك وسلم بنانك



قصيدة رائعه بروعة حضورك



لك تقديري