بين شعراء القبيله

السلام عليكم ورحمة الله وبركاته


آسعد الله أوقاتكم بكل خير ...

و أنا أتجول في أحدى موقع الشعر ..

و جدت محاوره للشاعر الملقب بـ ( زلامي حرب ) ..

الشاعر / علي الحصني .. مع الشاعر / نادر العماني ..


فأحبت أن تكون بينكم ..

علي الحصني=
علامك يا العماني مشتركة بشاعر المليون =على شانك تفوز وتا خذ المليون وتصره
ونجيك مسيرين بديرتك لوما نحصل لون =يقوله شاعراً كبده على المليون محتـره
نادر العماني=
تشرّه مير أنا يا علي لا داين ولا مديون =أنا لو أملك المليون أبا آشرّهك وآشـرّه
ليا سيّرت خشمك بالكرامة ياعلي مدهون =يابو كبد ٍ تشيل اطويق والصمان والحرّه!
علي الحصني=
احد عينه على الدنيا وحد عينه على المزيـون =وسلمني علـى ياسـر ليـا جيتـه ميـة مـره
تراء ماهي غريبه يضحك الصاحي على المجنون =ولكن الغريب ان الجمـل خائـف مـن الـذره
نادر العماني=
أحد عينه على الدنيا وأحد عينه على أم عيون =وأحد عاقل وأحد مايشبه إلا عاقـل المـرّه..!
وأحد يمشي على هونه وأحد يسحب مافالطبلون =وأحد واقف مكانه لو يرز الجيـب ويـزره..!
علي الحصني=
ولا يا هل الوشم في وشمكم لعلكم تمسون =ركايبكم تسيئر من جبل شقراء الى البـره
انا شايب ولالي كرت بس انته ولد دندون =ولك فل مجتمع سمعه ولك فوق الثراء جره
نادر العماني=
عسى الله يحرم اللي يمنع المعروف والماعون =يجوز الناس للمعـروف والماعـون مضطـره
يا شايب ما عليك اخلاف لوما في جماك اسنون =انا مالي خبـر وأنتـه وراك النـاس منجـره
علي الحصني=
مدام ان الدعاء ما يذبح السرحان لاتدعون =ولا ينسى الحلاوه واحداً ما جـرب المـره
يا تجار الحرم حول الحرم بل بيع لاتغشون =تراني لو نويت اغشكم مـا عتـو الكـره
نادر العماني=
دعا المسلم على الظالم مثل نور الفلق مضمون =ودعا راع الغنم لو يلمس السرحان ما ضـرّه
أنا ما ني مشارك مع رجـال ٍ مالهـم قانـون =ترى الرجال له عورة من الركبة ليا السره !!
علي الحصني=
اشوف الحضر سووها لكن البدو ما يدرون =طبيعة بدونا ما يرغبون الفول ابـو جـره
يطيب اللي يميز ما قفه يوم العرب يقفون =يبا يجلس لحاله ما يبـي لجـه وبغطـره
نادر العماني=
يسوون الحضر والبدو ماهم ناقصين ابدون =بدون اللي تقوله من قديم احبال أخو مّـره
ترى بعض العرب منفوخ للعالم كما البالون =ولا جات المواقف ما ظهر خيره ولا شـره

شكراً لك يا ابو منيره على نقل هذه المحاورة

الشاعر \محمد عويض البدراني
مشكور على ردك الجميل

[table1="width:95%;background-color:skyblue;"]

مشكور يا ابو منيره الحقيقه
محاوره جامده وقويه وشعراء اصحاب معنى

مشكور يافهد على تواجـــــــــــــــــــــــدك الجميل

شعراء خطيرين بيض الله وجههك ولا قصرت

¨°o.O ( ×××××××) O.o°¨

الله يـعـطـيـك الـعـافيـــــــــــة على الاخـــتيار المــوفــق
وصحت السنتهم
بيض الله وجهك

صح السنتهم

شكرااااالك ع نقل هذه المحاوره

سلمت يمينك يابومنيره على النقل وجزل الاختيار وصحت السنت شعرائنا الاعلام علي بن عبيد الحصني ونادر العماني الحربي ومحاوره قمه ونخب اول وجزله من الجانبين