سلمت يانسل الرجال اللي يضدون الرجال=يوم العلوم افعال واجدادك يضلل ضلها.
سلمت يامحمد ولدعباس من ضيم الليال=ياتاج راسي ياعضيدي بالمعاضل كلها.
سلمت ياللي فزعتك مثل المطربعدالخيال=لاساقه الله للفياض الممحلات وعلها.
سلمت ياللي ترتكي لاجيت يمك للثقال=زيزوم عسرات الامورالياتعذر حلها.
مدحك يشرفني مثل ماشرف الراس العقال=ونصحك يقديني عن العثرات قبل افطلها.
يامن يحس بمايدور بخاطري في كل حال=فيك اتفاخروالعرب لوتنتقدني خلها.
لك مجلس فيه الكرامه والمعزه والقبال=مدهال سفرين الوجيه اللي حشا ماملها.
بالطيب راسك راس لعدو كريمين السبال=وبالشعر بيطارالقوافي والدررتاصلها.
اسوق لك بنات فكري وانت منصى للجزال=شاعر واديب وكل ميزات العرب تحتلها.
البارحه يامسندي بين الحقيقه والخيال=ماطاب نوم ولاسلمت من الهجوس وغلها.
ياشينها لابار فيك اللي تعده راس مال=في ماقفٍ يمناك مامديتها من قلها.
ضاقت عليك فجوج نجد اللي توسع كل بال=وصدرك يفوح من الهموم ادقاقها مع جلها.
صحيح من قال الجمل لاطاح تطاه الجمال=عزي الحال اللي يبي عز النفوس وذلها