محمد عويض البدراني=
الليله الليله نبا نرقا جبل و اللي مايطلع للجبل يجلس وراه=والى طلعنا فالجبل نرفع علم واللي عقد روس الحبال يحلها
ياربعنا ياحرب مافيكم خبل كلن يهد طويق وجبال السـراه=وان عودت للعلم يا كثر القلـم واللـي عقـد روس لهـا
ابو خالد الفريدي=
الليله الليله نبيها تشتعل والراعي الفسقان يضرب في عصاه=العب بها ياصاحبي وانت الحكم واللي عقد روس الحبال يحلها
اليا حكمت نقول يامحمد دبل ارد البحر ترى البحر يعجبك ماه=خابرك رجل مستقيم ومحترم واللي عقد روس الجبال يحلهـا
محمد عويض البدراني=
أنزل على الميدان يانجم الزحل انكان يارجـال تعـرف للرمـاه=بالملعبه مافيه شاعر يرحم واللي عقـد روس الحبـال يحلهـا
الى حكمت احكم بسيفاً يارجل سيفاً يشيل الراس من فوق الجماه=يمكن بعدها يالفريدي تنهزم واللي عقـد روس الحبـال يحلهـا
ابو خالد الفريدي=
انته قعود صلف ماظنك جمل وانا ترايه محتسي لـك بالقنـاه=ماجيت لك وانا انتظر منك الكرم واللي عقد روس الحبال يحلها
انا كما لعملاق وانته كالقزم عملاق من وقف على دربه وطاه=كم واحد قبلك تعرض لي ندم واللي عقد روس الحبال يحلهـا
محمد عويض البدراني=
ياهرش مالك عندنا غير العقل عقالاً يسدك لاتـدور للفـلاه=مثنى القوايم مابعد تمشي قدم واللي عقد روس الحبال يحلها
أن طعتني ريح لا تجادل جدل اللي يجادلني ياسهره ياعنـاه=صقراً ومخلابه يخم الصيد خم واللي عقد روس الحبال يحلها
ابو خالد الفريدي=
انته لحقك الخوف واعماك الزمل شفت لاسد يبغى العشا وانته عشاه=وين اللحم نبغى اللحم ياهل اللحم واللي عقد روس الحبـال يحلهـا
انا اكلي الفريس ماحب الهمل ابوي وصانـي علـى مثلـك وصـاه=اكل قعود ونوب كبش من الغنم واللي عقـد روس الحبـال يحلهـا
محمد عويض البدراني=
لاوالله الا تو ماعماك الجهل ياصقر جاك عقاب من عالي سمـاه=أتشيل سيفاً في يمينك منثلم واللـي عقـد روس الحبـال يحلهـا
ماكلت غير جفير ملياناً قمل شاوي تحوش الضان وسلاحك حصاه=وان جاتك الحايه تذرى بالسلم واللي عقد روس الحبـال يحلهـا
ابو خالد الفريدي =
انا معي مشعاب مضبوط وحبل الحبل والمشعاب مثلك من وراه=اقضي عليك بساع وانته تحتزم واللي عقدروس الحبال يحلهـا
في مزرعتك تدور وآكلك النمل ياعزتي لابوك كان انك رجـاه=والله لو اطخك لتقعد تبترم واللي عقـدروس الحبـال يحلهـا