طلال المعبدي=
يامرحبا ترحيبةٍ تستاهل العلم الصحيح=والشاذليه للاجواد الليل والساري سـرا
الليلة القُدمه يقف والليله الطايح يطيـح=جات المطية بالشداد الليل والساري سرا
محمد البدراني=
دام البقا ياشاعرن ماخبرك بالمعنى شحيح=القوم بالمرصاد الليل والسـاري سـرى
العد كثروبه ورود والكل في دلوه يميـح=وأنا قداح ازناد الليـل والسـاري سـرى
طلال المعبدي=
الله يحيي من لفى جوف المكان المستريـح=ماحد شنا الحربي وكاد الليل والساري سرى
باغي مواري عملتي للذيب بالهرج الصريح=قبل المغابش والهجاد الليل والساري سـرى
محمد البدراني=
عطني العلوم ولع النيران في سمرن وشيح=النار لاتعود رماد الليل والسـاري سـرى
يبقى عليك سنين يارجال بالعلـم المليـح=بلاش من كثر العناد الليل والساري سرى
طلال المعبدي=
انا احسبنك جيتني بابور فالغبـه سبيـح=شايل عنتر ولد شداد الليل والساري سرى
حنا رجال المدرويـة فالقبيلـة للطريـح=واللي يبا زيادة يزاد الليل والساري سرى
محمد البدراني=
جاني جملكم فاضياً بالحمل ياراع المديح=بيتك بدون اعماد الليل والساري سـرى
انتم رجال وكل رجالن معه سيفاً جريح=لكن على الميعاد الليل والساري سـرى