خليفه المزروعي=
سلام رديه سوات البرق في وسط الغيوم=والبرق لامنه برق في ديار يسعد فالها
وخيالها فالليل لاقمرا ولا فيها نجوم=وان قدر الله هلت ألأمطار فوق جبا لها
محمد البدراني=
يامرحبا ترحيب مثل السيل لا جالك يعوم = والسيل لا منه درج بديار شال رمالها
الظاهر أن خيالها مابين مكه والجموم = والا ترى بعض الديار مقفله بقفالها
خليفه المزروعي=
الله لعلك للبقى والصقر فالعالم يحوم=وليا لقيله صيدةٍ(ن)على الطريق إشتالها
ومكه تراها في حمى الرحمن ياولد القروم=واللي ماتدري ياعسى ربي يعدل حالها
محمد البدراني=
بعض الصقور اليوم يارجال ماتسد اللزوم = حتى الحمام البرق مايجفل الى أوحالها
أنا على المله وعرف الناس تحكمها سلوم = مير الحقيقه ياطويل العمر اقول اصحالها
خليفه المزروعي=
الباين إنك ياعميلي لادفاع ولا هجوم=والناس قالو مايجي للحمل غير اجامالها
المشكله بعض البشر هامه مكبرته هدوم=وإن شافله حمله مع الشجعان جاء تكالها
محمد البدراني=
ياصاحبي ماتحتمل مني بضربه بالسهوم = لكن ثبت غترتك ياصاحبي وعقالها
نزال ماشدت مقيماً وانت تكتب بالرسوم = والكلمه اللي قلتها ترجع على من قاله
خليفه المزروعي=
انته تقوله يامحمد مير ياكبر العلوم=والناس ماتذكر مع العربان غير افعالها
وأضن لاهاذي ولاهاذي على حالك ردوم=الله يعوض في تعبنا واليال بفالها
محمد البدراني=
أقولها ثم احتمي ميقافها وانته تريح ومخدوم = ترى الاصيله ياولد صاحبك هو خيالها
اسر مسار الذيب يارجال نفذ بالكموم = روح مع ايمين الديار وخلك عنك اشمالها
خليفه المزروعي=
لو تحتمي ميقافها ماجبت جابات الرخوم=ابعد عن علوم الشعر خل الرجال في حالها
انته شبيه الذيب ماذمك و تقضيلك لزوم=يوم العباد ارقود تحرسها تريح بالها
محمد البدراني=
انا حرار ومن احرار وما تعلق لي ببوم = لكن خليفه بين حجانه يبا يشتالها
لولاك حربي كان اخليها على خدك وسوم = تذن ولاتصلي وهذه حالتك موالها
خليفه المزروعي=
ياللي نصيبك سبع واحد جاك من سبعه قسوم=أخذه وقول الله يخلي لاالرجال ارجالها
شلي رماكم فالبحر لن كان ماتعرف تعوم=وحنا رجال العقل مانشره على جها لها
محمد البدراني=
أخذت قسمي ياخليفه وانت رجالن ضلوم=ولاهمني ام العيال اللي تـوص عيالهـا
انكان معك سلاح يارجال وحصانك عزوم=وينك عن الدله يوم انه والمـاً فنجالهـا