المشاركة الأصلية كتبت بواسطة عوده البلوي

جيب القلم والبوك يافهد هاته = نكتب جواباً وافــــيا في معـــــانيه
خطاً نظيف ومحكمه مفرداته = من صادق الاحساس فكري مسويه
لليوبي اللي جاد في مكرماته = وكلاً يقول النعم لاحـــــــل طاريه
مشكور أبو عادل على طيباته = راع الوفا والطيب أنا كيف أجازيه
لاعاد مانقدر نسوي سواته = لكن من المعبود يلقى جــــــوازيه
ماغره المنصب وغير بذاته = حايز على الزينات ماخاب ناصيـه
لاجاه شايب حل له معضلاته = ومن طيب البن اليماني يقهــويه
لاهو حسود ولايمن احسناته = الله لفعـــــــــــل الخير دايم مهيـه
عبيد والله ماخسر في رباته = على الكرامه والرجوله مــــــوصيه
وماقصر اليبوبي مجود وصاته = يقول كنز أبوي أنا كيف أخليـه
يوبي ولد يوبي وربعه عباته = هو يفتخر فيهم وهم يفخروا فيه
وطيب الثمر يرجع لجودة نواته = والمعدن الطيب ترى قيمته فيه
وما قلت باليوبي عليه ثباته = وطبع العرادي يعطي الحق راعيه
وعلى النبي صلوا وزيدوا صلاته= إعداد ماهبت هبايب ذوا ريه