المشاركة الأصلية كتبت بواسطة صقر المراقيب

خالد عبيد الاحمدي=
ياسلامـي بـردّه سابقـه لسّـفـاري=تاصلك ياصحيب ٍ فيك طيـب ومـروّه
قوم ناقش معي وضع الفسـاد الاداري=وليت تكتب معي معروض ياصل سموّه
عيسى رجعان العوفي=
مرحبا تسبق اللي مامشت بالبراري=لأقلعت حلقت ثم اصعدت وسط جوه
تاصلك يارفيقي شوف الارسال جاري=وكلنا للوطن درع وحمايـه وقـوه
خالد عبيد الاحمدي=
راح حقّ المواطن بين بايع وشاري=والوطن له معـزه مانربّـح عـدوّه
لاتفرنك عن الموضوع قصدك تداري=انت شاعر مفوّه جاك شاعر مفـوّه
عيسى رجعان العوفي=
قيل ترضى علي ان كان جربت غاري=احمد الله بنعمـه ماتجـي بالمنـوه
بالعلوم الكبيـره ماتفيـد الهـذاري=ارق راس الجبل ود الخبر في علـوه
خالد عبيد الاحمدي=
راضيٍ بالقياده نسل شيخ الحـراري=بس هرج الحقيقه عـادة ٍ للفتـوّه
بين رجل ٍ شهيد وبين رجل انتحاري=سمعة اللمملكه فالكون خايف تشوّه
عيسى رجعان العوفي=
حول موضوعك اللي قلت هذ قـراري=ماغدا حق دام الشرع نمشي بضـوه
كان مضلـوم قدامـك مقـر ٍ وزاري=وكان زعلان يرضونك وتعطى ارضوّه
خالد عبيد الاحمدي=
هذا موضوع شاغل كل جاهل وقاري=والمليك المفـدا قبلنـا فيـه نـوّه
والقرار الوزاري مايجي باختيـاري=دام بعض الصحافه في خبرها تتوّه
عيسى رجعان العوفي=
انت الايام هذي طاريه لـك طـواري=قلت لك رائي وانت اللي تسويه سوه
لكن اقنص معي نبغا الضبا والحباري=تنشرى بالفلوس لمثل شرواك خـوه