غنّيت يوم الصدر فاحي = جزلن من ابداع حربيه
ردي على غيدن ملاحي = خوذنّه من السنافيه
ياللي شكن زود الاجراحي = ماهو طرب مير مرثيه
شكيتن ارجال الفلاحي = من ظلمهمم والانانيه
والحق مايزعل الصاحي = كم مهرتن حالها سيّه
من عقب ماتزها الوشاحي = جاها من الغبن ماريه
والسبه الزوج لاصاحي = قاسي ولافيه حنيه
والزوج ماينشد ان راحي = لو عدْ صحايبه ميه
مايبي اعيال ومراحي = ولايبي عده مسوليه
يامفرج الهم لنزاحي = ياعالمن تعلم النيه
تدلنا درب الاصلاحي = وتهديهم وتبعد السيه