لا يا ندا بسألك وابغى الصراحه=ولا يهان باقي ربعتي عزوة الدار
ارتاح لك صدري وزاد انشراحه=هيا استمع للي تباريه الافكار
محسوب مثلك من رجال السماحه=رجل يعد الحق لو صار ما صار
قومك هل الطالات للعز واحه=عمك وخالك من رجاجيلٍ اخيار
لا يا ندا قلبي حواها جراحه=يبغى يكف النار ...وسلاحه النار
لجله عضيد الوقت دمه استباحه=مدري غواه الوقت ولا هم اشرار
صبري نفذ يومه لك السر باحه=رغمه وعدني بالصبر دون الاقدار
لكن تفاجئ بالعنا دون راحه=واقفى وخلاني على جهم الاكدار
ياليتها روحي تروح مراحه=ولاقاسي الدنيا بالافكار واحتار
ماهي بحسبه قابله للرجاحه=صوب السهم يدمي على وين ما شار
لو بستمر فالدرب..اخشى المساحه.!=ماني مخاطر لكن الدرب اخطار
ولو حزت نفسي مالقيت الرباحه=ودعت شيء.!! وشيء.!! ميليق بأحرار.!!