المشاركة الأصلية كتبت بواسطة خالد بن مبيريك

ياهاجسي عطني جزيلات الابيات=عطني من اللي فالها القابليه
ماكنها الا من هذيك المغيضات=يازينها في كل روحه وجيه
منها أتنقى فالمزايين بالذات=ولا الرديه ماندور رديه
اليوم انا بنصى رفيع المقامات=بنصى سعد راع العزوم القويه
الطيب اللي له مع الطيب عادات=عز الخوي ولا يخلي خويه
محمدي واقول والنعم مرات=والنعم في ربعي رجال الحميه
اهل المواقف يوم للوقت ويلات=واهل الكرم والكيف والشاذليه
ابي معه من طيب القول كلمات=مصافحا لاهل الوجيه النقيه
مادام لمتنا صواديف الاوقات=في مجلسن للطيب والسامريه
مافيه علمن جد ولا ملمات=ياغير أوافي صاحبي بالتحيه
عربون مقداره وفعل الكرامات=ماينقطع بين الرجال الوفيه
هذا سلامي ياسعد والتحيات=عساك سالم من صدوف المنيه