الود ياللي فالهوى مخصصينه = حب وغرام 0 الود ولف ومحبه
بين البشر فقلوبهم محتوينه = أصله صفا ماهو ملام ومسبه
بين الاهل واقراب يافاقدينه = ونلقاه فالاصحاب او بالاحبه
الناس تحيابه وتحيا سنينه = ويحفظه قلب الذي خاف ربه
ومن يفقده بينك حواجز وبينه = اساسها من كُره فالقلب شبه
الله على بلوى جناها يعينه = نفسه دواها يملكُه كان كبه
ولا كل واحد منه نفسه حصينه = من هو يماشي صاحبه منه حبه
يانفس باب الود لا تقفلينه = ما اجهل هواك إن بتبعه احتطبه
إن ماخسرنا منه وش كاسبينه= الكُره من حبة بنوا منه قبه
ويالله تجعل ماخفى شايلينه =في قلوبنا من ودّ يبقى وثبه
وختامها بالقول يا سامعينه = اعداد مامنكم شرب ماء وصبه
صلوا على الصادق محمد وامينه = اللي للأمة ود مدلول قلبه