المشاركة الأصلية كتبت بواسطة حفيد الحجيري

وآنا بعد مبداي حسب العوايد=أبدى بذكر اللي على العرش من فوق
اللي تعلّى اسمه بكل المسايد=اللي لنا في ذكره الحصن و الطوق
يا مرحبا ترحيب قايد بقايد=عدد ما خطنّ الأقلام و يفوق
بك يا ولد عمي يا عزّ السنايد=من قلب صافي كالعسل في حلا الذوق
جتني حروفك من جزيل القصايد=وانا قصيدي للجزيلين مطبوق
جتني حروفاً جوفها الجمر قايد=من وقت مطروده ما لك فيه ملحوق
وقتاً يسيره صعب واليسر كايد=وقتاً موازينه من التحت للفوق
يا ولد عمي جندي اليوم رايد=وعقيدها لجنديّها اليوم محقوق
واللي وصفته لي فالأبيات بايد=ماهو جديد ومثله معبيّ السوق
يا كثرهم لكنّ ما شي فوايد=يا ليت ليّا حكم وأسوقهم سَوق
سَوق القطيع ولا بهم عنه زايد=بالعكس أنا أفضِلّ عليهم حدا النوق
اللي يكنّون البَغَض والحقايد=وبلا سبب ما ودّهم بالك يروق
حتى فيوم العيد قبل المعايد=تبدي خبيث النيّه اللي بها تحوق
لن سلتني ذولا سواة الزوايد=والزايده لو ما برت حُوقها حَوق
أشناب لكن لابسات القلايد=أخَيْر من شارب من العرف محلوق
مقصودها قلّ السنع والنقايد=شوري حرام بمثلها لدّة الموق
هذي حروفي جتك والأوفّ سايد=مكسور والاهداف ما بينها فروق
وانته مهاجم فذّ من جيل رايد=بندقك ما تخطي و مركزك مرموق
تمت و صلوا عد صوغ الفرايد=صلوا على محمد صلاةً به تلوق