المشاركة الأصلية كتبت بواسطة حفيد الحجيري

بعض العرب ودك ليا من تكلمّ = حتى السلام يبدّله بالأشاره
أخير له لو كان من جملة الصمّ = من منطقاً ما فيه ذرة وقاره
وبعض العرب يغنيك عن خالٍ وعمّ = هذاك خوّة مثله أربح تجاره
وبعض العرب يدسّلك فالعسل سمّ = يضحك بسنّه مير قلبه شراره
هذاك ما يستاهل تقولّه سمّ = في خوّته ما تاجد إلاّ الخساره
وبعض العرب رجّال فالشكل ونعمّ = لكن ياليت أبوه سمّاه ساره
اليا حضر بين المجالس تلعثمّ = متعوّد المجلاس بين العذاره
يا كمّ بنقابل من الناس يا كمّ = أحداً يمين الدرب وأحداً يساره
أحداً يدوّر للمراجل وونعمّ = وأحد يترقب بالخفا بنت جاره
يا ولد عمي طالبك قولّي تمّ = نبغى دياراً ليلها من نهاره