عبدالله الفريدي:
الليله السباح تأديبـه وجـب
مادامني موجود ماهو مستريح
واللي يدور للنشب جاه النشب
مايطلع الا ذابحه والا جريـح
السباااح :
تسمّعوا هرج الفريـدي ياعـرب
ياكبرهرجه مار ياقـرب المطيـح
هو يحسب ان المساله هبشة رطب
اقبل وهو فحمان غاد لـه فحيـح
عبدالله الفريدي:
اسمه عضو ماهوب شاعر ينحسب
لكن ياجمهـور للعـذر استميـح
ابا ادبه تأديـب واقـص الشنـب
واغرّرّق السبّاح وايبين الصحيـح
السباح:
وانا نويت اكمخك في لوح خشـب
حتى تعـود يـم ورعانـك تصيـح
وان ما كفتك ارميك في وصط اللهب
يا الثعلب اللي بالصحاري لك ضبيح
عبدالله الفريدي:
لو نلتفت لك بالنظر يامغتـرب
سويتلك ترحيل وادميّك تسيـح
تبي تشب النار واتصير الحطب
لكن تقصر قبل ماسدك يبيـح
السباح:
تراي لو امرغك تبكي وتهرب
تخاف مني وتهرب لوانت تيح
الذيب الامعط كل ماوحيته قنب
جداك بس بكاك يالوجه المليح