|
|
وقد قدم مدير صحيفة حرب الإعلامية الشاعر بدر العياضي قصيدة بـ الجندي البطل فيصل بن نافع بن نحيت وهي :
عد الروا ماردك والنفس طايبه
ياهجس ياللي للجزل دوم جايبه
هاتي درر دام المشاعر تزايدت
ودام الفخر بالقلب نوخ ركايبه
نوخ ركايب للتخاتيخ قاطعه
حراير ماهي عن المجد غايبه
وركبت انا حرّه تفاخر بحالها
ودرهمت في جو زادت طرايبه
تسبق هبوب الريح ويشوش راسها
طربانة في جو كثرت كسايبه
طربانه والنفس تطرب بجوها
دام السعد هلت علينا سحايبه
اسعد بفعل اللي علومه تنومسه
الرامي اللي رميته دوم صايبه
يرمي هدف ويصيب هذي عوايده
فضل من اللي ماتعدد وهايبه
فيصل سليل العز واالمدح نايله
له هقوه دايم للامجاد جايبه
خاطر بروحه ولاحسب وش يصيبها
في ساعه و الشر هبت هبايبه
في ساعه كل الهقاوي تعومست
نفسه مضريها ولاهيب هايبه
قام وتقدم ولاحسب وش يوافقه
يبلغ مراده او تكاثر صعايبه
قام السعد بقومته وبفعايله
تاج الظفر تاج الفخر من كسايبه
هذا الذي فيه القوافي تفاخرت
حر شهر من فوق عالي جذايبه
|