احمد الطريسي=
اليل باقي نص والا نص روح مابقا=يالله لعل اللي يجي يصبر لكل اللي بقي
واللي على راس الجبل ياصحابنا هاز ورقا=لاحدن يقو انه سعيد ولايقول انه شقي
خالد فهد الحربي=
اللي مضا ليل العباده مابقا غير الشقا=وانت تراك احد الثنين اما الشقي وإلا التقي
واللي على راس الجبل بعد اتضح ليه اتقا=وانت المكلف منهو اللي حوله والي رقي
احمد الطريسي=
اصبر عليه اشوي واعرف صاحبك ويش يهقا=تسجد بنص الليل وانته متكي في مطرقي
خالد رقا راس الجبل لاكن مادري وش لقا=وانا على وضح النقا بالعز رافع بيرقي
خالد فهد الحربي=
ماني بصابر وانت من ممبداك نيتك محقا=وبليس مع جنبي وذرعانه تقل ركض سلقي
خالد رقا كل الجبل واضح على وضح النقا=والناس تدري في غشيش القلب والرجل النقي
احمد الطريسي=
الوارده لاتقترب للي يخضون السقا=واللحيه اللي عدت الماجوب لازم تحلقي
يزعل ويرضا عندنا ياصحابنا ماتفرقا=من راس راشد وقعت ياصحابنا بالمورقي
خالد فهد الحربي=
الوارده والصادره ماوفقت و الله وقا =لاكنها كد الجبين وتالي الدرب سبقي
الي زعل ويش ازعله رد الخبر يابونقا=وحرص يديك العوج لاتقرب من طراف شنقي
احمد الطريسي=
اجل تريح قبل راسك بعد ضربك يفلقا=وانته عطوك القوم لقمه وسط حلقك تشرقي
ياناس ابو وجهين وجهه كل ليله مشرقا=طفيت ناره يوم اراد الله وبالماءيستقي
خالد فهد الحربي=
ياجعل رجالٍ مدحك العام يعط ام لحقا=نكان عندك بندقيه روح وعطيك فشقي
ذكرتني في سالفه سولفتها للابرقا=لساع مشواري معك مابش ياالخصم عرقي
احمد الطريسي=
اما حول والا غبي وسمك بغاربك احلقا=رجع رصاصك وسط بندقك القديمه يابرقي
حشمه لحرب اللي معانا كلهم بالملتقا=ماني مجازي بالردا اللي كل ليله يطّرقي
خالد فهد الحربي=
انته تحب القرقعه وإلا تحب االدقدقا=يلي تزاحم لك فحل وانته ثني مدري لقي
حشم قبيلة حرب بالطاروق والناس اصدقا=يمكن توصل لالمور اللي مضا ماتنهقي