غلاك يجري بدمـي واتنفـس هـواه=واعيش في جوك الخلاب واشتاقلـك
ياغلا من الروح وصلك زاد قلبي وماه=شفني من عماق قلبي جيت منساقلـك
جفاك فقر وصالـك يالحبيـب الغنـاه=لاتقطع الوصـل دام القلـب خفاقلـك
يميل غصن الهوى لمداعبك ياغـلاه=اقطف مـن ورود وده كـل مالاقلـك
يالذت القلب ياشـف الجريـح اودواه=اعيوني افراشلك واجفوني ارواقلـك
نظرت عيونك تنسيني ظروف الحيـاه=وانا جريحك وانا مجنونـك وعاقلـك
ارفق بحـال المولـع لاتـزود عنـاه=فنجال(كيف) الهوى من روح ينساقلك
الحب بلوى وحبي واصـل المنتهـاه=يازين خذني معك لو كـان سواقلـك
الشوق ياغايتي لين قلـوب العصـاه=شفني طريح الهوى واقول مشتاقلـك