راع العلياء
ان كان ابوخالد يدور له صحيب=الصبح يوم الناس كلٍ فالـدوام
بنشده واشوف دلوه وش تجيب=تعال يابن زيد لك عندي كـلام
ابوخالد
يامرحبا بك وانت ماظنك غريب=لك عندنا ياذيب قيمه واحتـرام
انشد وظنك ياعميلي مايخيـب=انشد ولو انك بديت بلا سـلام
راع العلياء
فيك البقا ياراعي الاصل العريب=واقرأ بداية مـا كتبتـه بالتمـام
يارجل كيف اتحول الانسان ذيب=مدري يجوز اتشبهه والا .. حرام
ابوخالد
بالبيت الاول صايـر كنـك طبيـب=والبيت الثاني فيه حكمه وانسجـام
وكان انت من معنى كلامي مستصيب=خلاص مانت بذيب يانسـل الكـرام
راع العلياء
يااديب ياللي تنقد اعلوم الاديـب=على مهلك وحط راسك بالخطـام
البارحة سريت لي هرش منيـب=والهرش الاخر في طريق الانهزام
ابوخالد
ماني باخاف ومرقدي وصط الشعيب=ليم اسلاحك ثـم تحيـزم بالحـزام
سريت هرش ضايع مـع الذهيـب=لكان جاك الهـرش بيدينـه لجـام
راع لعلياء
اصبر علي اشوي واسمع لك طنيب=ماعندك الا اتسوي اسوات النعـام
واللي تقوله فيـه يارجـال ريـبدايم ذهيب=الطرش يذبحها الهيـام
ابوخالد
اعرفك ترمي بس ماتقدر تصيب=وسمح لي اسميك مردوم السنام
تاكل ولاتشبع تغيب ولاتجيـب=تفرح ليا شفت المفطح والايدام
راع العلياء
ان ماذبحك الرمي داشك يالحبيب=واسمح لي اسميك مكسور العظام
وانتم ذهيب ولابكم شحم وعصيب=ياشينكم فوق الصحن وانتم هلام
ابوخالد
اهلام من الهومات مع ضرب وضريب=والا انت همك بس بطنـك والمنـام
تدور من بيتك ليـا بيـت النسيـب=افهم كلامي واستمع لـي يـا غـلام
راع العلياء
لاوالله الا .. رحت مع راس الجذيب=وقفت لكن منـت جـلاي المـلام
وصل الرحم مافيه يارجـال عيـب=العيب لو حطيت في خشمك زمـام
ابوخالد
وشبك تلوّى تقل في و ضع صعيب=عقب الهروش ازمام من فينا المدام
زاد النشاما صار منتوف السبيـب=وليا برك عند العلف ماعـاد قـام
راع العلياء
ماضاقت الدنيا على العقل اللبيب=يافرحة الرجال في شوف الجهام
انا ولد راشد راع العظم الصليب=اضلوعي الفولاذ والكف الحسام
ابوخالد
اصبرعلي اشوي ابا سوي اسليـب=وليا رجعت اشويك في وصط الدرام
انـا لقيتـك شاعـروالله رهيـب=ودامك ولد راشد نبرمج لك نظـام
راع العلياء
شوفوه طاح الهرش بالمفلا صويب=ياهرشنا الثـاوي لعلـك للرحـام
انا زهمتك وانت عودّ لـك نحيـب=ليتك على شغل المحلـل ياطمـام
ابوخالد
ليا صار فريدي راكب له فوق جيب=لازم يغثـك بـا لاذى والاتـهـام
ما اطيح وامي غاذ يتني بالحليـب=انا مثل سيل مثـل سيـل الهـدام