ابوخـــــــــــــــــــــــالد
بديت بسلامي والتحيه على الموجـود=عسى الله يجيب اللي بدربي يخاوينـي
نبي نحسن المنطوق والحاضرين شهود=مع اللي على رايي ودينه علـى دينـي
الطوفـــــــــــــــــــــــــــان
ارحب ترحيب الوفـا والله المعبـود=بعد مالقيتك وأنت نـاوي تبارينـي
ترى من وفا مده ماينقص وفاه يزود=وارع الوفا يسمع كلامي ويوحينـي
ابوخـــــــــــــــــــــــــــالد
اذا كنت يالطوفان عندك خبرمسنـود=ورا راعي اليابان يزعل على الصيني
دول عايشه ولكل دوله بحر وحـدود=ابي رايك الصادق ورايك على عيني
الطوفــــــــــــــــــــــــــان
مدام البشر ما بينهم حاسد ومحسود=كثير المشاكل تجلب الشين والزينـي
ويصير التنافس بينهم شعله (ا)بارود=ووقت الشديد ماش عطف والا ليني
ابوخــــــــــــــــــــــــــــالد
انا ماعرف مسعد ولاني باعرف سعود=لكني بصف الحق والحـق يرضينـي
ترى محافظ البلده له الراي والمجهود=كلامي حسب رايي وناتـج موازينـي
الطوفـــــــــــــــــــــــــــــــان
تمسك بهدي المصطفى تبلغ المقصود=وأنا اوصيك ابه وأنته كذالك توصيني
كلام الرسول المصطفى باقي ومعدود=رسولٍ لدرب الخيـر دايـم يقدينـي