المشاركة الأصلية كتبت بواسطة مضحي بن جمران

مضحي بن جمران=
ياحمد والاداره تنوي التفتيـش=وكل شاعر عليه يبـرز اثباتـه
ولابها حب خشم ولابها بخشيش=ودها كل جزل تحفـظ جزلاتـه
حمد بن فهيد الحربي=
من يدور يحصلني من اهل الجيش=شايب ٍ باالمواقف شيف بصماته
من يطبق عليـه قفلـةٍ بالشيـش=فيه غيري يشابـه لـي حركاتـه
مضحي بن جمران=
انت فاهم وعارف ماخذاك الطيش=والسياسي نجوحه في سياساتـه
الاوامر تطاع ولالهـا تهميـش=وانت شرواك يوفـي فالتزماتـه
حمد بن فهيد الحربي=
جيت ابا قول هرجه ثم قلت وليش=الرجل حر فالمشوار فـي ذاتـه
لو تكرمت ناظر في عيال قريش=كل واحد جوازه وسـط مخباتـه
مضحي بن جمران=
التسرع خطا اخذ الامر بشويش=من تعجل تبلش في حساباتـه
البدايه بديناها مـع الشاويـش=لاجل يقنع ولاتكثـر مراواتـه
حمد بن فهيد الحربي=
لاتدورعلى داب السهل بالهيـش=وانت ماجاك يابن الناس ماذاته
يابن جمران مرضا لنداء تطنيش=خوف لايتبع الاحـداث شماتـه
مضحي بن جمران=
اعرف ان الحنش مخطور كانه نيش=الحنش ويش كسبي مـن معاداتـه
يابعيد النظر مـد النظـر وتعيـش=بعد شفت الطريـق تـروع لفاتـه