الخطأ من صاحبي يعتبر عندي صواب=واعتبر عجفاه رغم اعوجتهـا صايبـه
والتمس له عذر واقول من باب العتاب=واتغاضى عنه واسمح بنفـسٍ طايبـه
والرفيق الشهم ما بيني وبينه حسـاب=وان بغيت اجزيه ماهيب عنـي غايبـه
مير له عندي رغم ما حصل لين الجناب=وله نفسٍ فـي لزومـه تسـد النايبـه
والرجال اتبين وقت الشدايد والصعـاب=ما تحسـب حسـاب الذاهبـه والآيبـه
مير انا وقتي تغير وجاء فيـه انقـلاب=واصبحت فيه الامانـي لاهلهـا خايبـه
شايبات من هوايلـه جنحـان الغـراب=والليالي السود من كثر جـوره شايبـه
واحتسب الصبر وارجي من الله الثواب=في جزا نفسٍ عن الظلم وجلـى هايبـه
وارجي الدعوات يالله يا منشي السحاب=تقبـل التوبـه لكـل العبـاد التايـبـه