مضحي بن جمران=
خص من يعشق الجزله عشاقه=ياسلامي على منهو عشقهـا
ماتجي في سجـلات البطاقـه=رافقت شامـخٍ يفهـم طرقهـا
الصييفي=
جزلةٍ من جزل و الجزل شاقه=يوم مضحي يسوق النا عبقها
ساقها سوق قـدام الرفاقـه=علّها تنضج و نشرب مرقهـا
مضحي بن جمران=
مرحبا والتحيه ورد باقـه=عطرها قبل اقدمها سبقها
من يوثق مع الطيب علاقه=لحيته من حسايف ماحلقها
الصييفي=
البقا يا رفيـقٍ مَحْـد ضاقـه=ما يسيطر على نفسه غلقهـا
لا حَمَلْ حِمْل خذ فوقه وساقه=و كلمة الشين ما عمره نطقها
مضحي بن جمران=
البحـر يذكرونـه للحـداقـه=وبعض حداقته نخشى غرقها
غير غيصٍ ماهو يخشى زراقه=غبـة الـدر ماكـلٍ زرقـهـا
الصييفي=
البحرفيه قِرش و فيـه فاقـه=سوقها يا وسيع العرف سقها
المخاطر لنـا فيهـا علاقـه=ناخذ اللول واذن ابليس صقها
مضحي بن جمران=
كم غشيم تعشاء عظم ساقه=تلها بالقواطع ثم سحقهـا
احسب احسابها خل الحماقه=كم رياجيل ضيعها حمقهـا
الصييفي=
ذاك خيرٍ من احضوره فراقه=لو يبي ملي قربه ما شلقها
كل شيِّن مجوّد في وثاقـه=و الكحيله غلاها من عمقها
مضحي بن جمران=
بعض الاشخاص يوخذ بالدراقه=صيـدةٍ بيـد قنـاصٍ درقهـا
قلنا لـو يبيحـون السواقـه=ضنك الترف يسلم من لوقهـا
الصييفي=
وبعضهم ما يساوي قيد ناقه=بندقٍ ملصقٍ فيهـا فشقهـا
لو يبيحوا السواقه لو سراقه=صارت المسأله خذها و ذقها