حيا الله جميع المتابعين وهذا نص المحاوره اللتي جرت بين الشاعرين /بندر العوفي وزميله / غازي الزغيبي في ملتقى الشاعر بندر العوفي واليكم المحاوره كامله مع التحيه
بـــنــــدر الــعــوفـــي
مرحبا ترحيبةٍ مـن شراييـن الفـؤاد=تاصلَك من دار الأنصار وأصحاب النبي
أقلط ابحشمه وتقدير يـا راع الشـداد=العلوم اسمان والضيف في سد أشنبـي
غــــــازي الـزغـيــبــي
البقاء من فارسٍ راكبن صهوة جـواد=مايسل السيف لينه يشـوف الاجنبـي
انت يابندر ترحـب بعـد فـات العيـاد=والامـور مرتبـه مجهلهـا الا الغبـي
بـــنــــدر الــعــوفـــي
الجمر عشرين عامٍ وهو تحت الرمـاد=انبشوه اهل الجهل والهبـوب اتهبهبـي
هي حميّا والا تبغى بهـا شهـره وزاد=كانها الاولى جهل كانها الاخرى صبي.!
غــــــازي الـزغـيــبــي
وانت وش سويت من علم ياراع الرقاد=مالقيت اعراش يشبعك من راس الضبي
اكثر العربان ماعندهـا كـود انتقـاد=وان مشى رجالهم للهدف يحبي حبـي
بندر العوفي
عاقلٍ ما امشي بدرب الفتن وأهل الفساد=يوم غيري زعّل أهل السنع وأهل العبي
يا عسى الله يهدي الغاوي لْدرب السداد=كلمة الحق ما تعـلا بـدون الاحدبـي
غازي الزغيبي
انت خلك يابو سفيان من ضلعك وغـاد=مانت داري وش ورا حرب قلي وش تبي
السوالف طولهـا تتطلـب شلفـا ومـاد=ياكريم تعوضني في جهـودي وتعبـي
بندر العوفي
ليتك ابواديك راقد ولا اعلنت الجهـاد=تكسر إشدادك قبَل ما تصيد الأرنبـي
ما عرف للأندلس غير طارق بن زياد=صفحة المجد انطوت لا تفلّ وتكتبي .!
غازي الزغيبي
مانتظرنا فزعتك لو يواجهنا اضتهاد=وانت لو تحتاجني قمة ودي واجبي
صف كتبك صف من بعد ماهب البراد=وانتبه ثم انتبه من يديـه وركبـي
بندر العوفي
فزعتك ياذيب ما واحدٍ منها استفاد=لو تسد بواجبك ما غلبـك التغلبـي
عارفٍ ما كل جرحٍ يداويه الضمـاد=وانتبه لا يطيح رمحي عليك ومنكبي
غازي الزغيبي
عارفني ذيب وان جيت باالماقف سداد=ماخسرت الا خضيري ولحجي و000
ماشين برضـاك يلـي بلاميـا وزاد=التنك هـو والهلـل مايقابـل بذهبـي
بندر العوفي
شجرتك خضرا واكلها الدبا قبل الجراد=أنته اكسبني وتصبح كما الحر الأبـي
ما يبان الفارس الا على قدح الزنـاد=كيف تبغى تغتنم وأنت من ضمن السبي