قال الذي لاقال يصدق ويافي=
ويجيب من زين القوافي مثايل=
هب الهبوب وصار باالهب سافي=
صار السماء صافي من اية مخايل=
يالله دخيلك وانت للعبد كافي=
والطف بغصن (ن) صار يانع ومايل=
واليوم صار الغصن يابس وهافي=
والارض ما جاها من الوبل سايل=
وكثر الحسد بالناس وكثر التجافي=
واللي حمل حمله و بالعزم شايل=
قام يتراجع عن حمولن خفافي=
دب المرض بقلوب رجال الحمايل=
وقل الصبر باللي يقولون وافي=
بدل مسار الطيب بحر القوايل =
مغتر بالدنيا وناسن ضعافي=
مغتر بالدنيا وخضر الشتايل=
ناسي زمان اول ومر الجفافي=
والبنت ملبوسه وشقر الجدايل=
متغير اسلوبه ولبس القدافي=
ترمى الطبائع مثل رمي النثايل=
ولاقل علاج الناس قل التشافي=
الا ان شفع للخلق رب الجزايل=
ولا ازكي الانفس مقصر واخافي=
ولا اقول انا كامل على الناس نايل=
ولاخير في رجلا يكذب وهافي=
ولا اعم خلق الله بقول( ن) وقايل=
والله عليم بسرنا والخوافي=
اللي عطى البرهان وشفنا الدلايل=
ويديم هو خيره علينا وضافي=
ويعز ملوك (ن) تردع ايات عايل=