أبومديده=
سلام والحُر فزنالُه=على الوفا والوفا غصّاب
فالمجمع اللي حضرنالُه=وفي حضرة الشْب والشياب
بن شليه & بن عاقل=
يامرحبا والسعد فالُه=ترحيب وافي بدون حساب
اللي نزلتُه على جالُه=كريم من طيّب الأنساب
أبومديده=
تبقون والطيب منزالُه=ثابي على عالي المرقاب
حاكِم حكم وأرسل إرسالُه=من دون لايشرح الأسباب
بن شليه & بن عاقل=
مدري وش اللي تهيّالُه=خلاه يرسِل عليك كتاب
ماجد وأحمد نظرنالُه=وأهل النوايب تصُك الباب
أبومديده=
ماتفقِد القيل بأبطالُه=لو غاب عنُه كثير أصحاب
هيا أستِمع فن موالُه=ولاتقول صابُه برُمح ذياب
بن شليه & بن عاقل=
كُلآ نكيلُه بمكيالُه=والشعر لُه في الملا أرباب
وكُل جيل يمشي مع أجيالُه=والظن في مِثلكُم ماخاب
أبومديده=
لي طرف ماكّف همّالُه=مِن المِسا للفجُر صبّاب
وإنت الموكّل على أحوالُه=على حسب منهج الأداب
بن شليه & بن عاقل=
كُلآ محاسب على أعمالُه=إن قصّر الوقت وألآ طاب
يامشتكي حال من حالُه=دوِّر لبابوركُم مِجناب
أبومديده=
المِشتقي زادت أهوالُه=ومِثلك مايرضى عليه أتعاب
والطِّب مِنهُ تعدوالُه=يِنعّد راهِب مِن الرُهاب
بن شليه & بن عاقل=
لانته بعمُه ولاخالُه=تروح في مطرح الأنشاب
هذاالحكيم الذي قالُه=ومن فوق رِمش العيون حجاب