محمد البدراني=
شفت العتيبي يشب النار=والنار ماهي بمشبوبـه
بلاحسه نار بن عمـار=وشبها في طرف ثوبـه
يوسف العتيبي=
شفت العتيبي وخل الدار=الدار حقتك مغصوبـة
الذيب ما يلتفت للفـار=لكـن دلتـك مشروبـة
محمد البدراني=
اربع مئه والف ياجار=عملتك يا شيخ منكوبه
خلك معاي لاتلف يسار=لابد ماتعلـن التوبـه
يوسف العتيبي=
لاشفت فالجو زول الطار=نرميه ويطيح فالطوبـة
فقران لاتشحـذ التجـار=تجار والـروم مغلوبـة
محمد البداراني=
تبقى عليكم وفيهـا انـذار=حتى امس بالصحف مكتوبه
معـاد تاخـذ ولاديـنـار=الشيـخ ربـط بعرقـوبـه
يوسف العتيبي=
للمنتدى عندنا مقدار=لكن غلطتك محسوبة
اتلف يالثعلب المكار=قفلت قدامه ادروبـه
محمد البداني=
بلشت يا بو علوم اصغار=النـاس مثلـي وغنوبـه
اثرك ما انته طويل اشبار=خليتهـا فيـك مسحوبـه
يوسف العتيبي=
نسمعك يابو علوم اكبار=تشجيعت الطفل مطلوبة
بنقول يالشاعر البيطار=لو كان شاشتك مقلوبة