محمد البدراني=
سلام يامنصور ويعم الحضور . سلام منـي عـد همـال السحـاب=نبي لنا قافٍ على الطاير سريع . واللي عقـد روس الحبـال يحلهـا
عارفك شاعر مير ماتحب الضهور. اخذ الجواب وهات مردود الجواب=وسبح بحر خابرك فيها ماتضيع . واللي عقد روس الحبـال يحلهـا
منصور الغيداني=
يامرحبا وهليـن والعلـم مخبـور نقولهـا للحاضريـن وللغيـاب=والك تحيه يامحمد و الجميع والللـي عقـد روس الحبـال يحلهـا
ياصاحبي نشرب غزير من البحور ماني مدور من ورا طرد السراب=مخاوي الا واحدن قدرة رفيع واللـي عقـد روس الحبـال يحلهـا
محمد البدراني=
فيك البقا وانا اعرف انك ماتبور . من روس ربعاً بالمواقف ماتهاب=لهم فعولَ مايغطيها الشنيع . واللـي عقـد روس الحبـال يحلهـا
مادام يامنصور تقدر للعبور . سر السوالف لين تاصل كـل بـاب=وانطب في سوق الغلا نشري نبيع . واللي عقد روس الحبال يحلها
منصور الغيداني=
على رفيقك لاتلف ولا تدور وانتم رياجيل المواقف والصعاب=وافعولكم ياطيبها ياهل الصنيع اللي عقد روس الحبال يحلهـا
لايمسكك نظام ساهر والمرور وتروح فيها ياخطا ولاصـواب=ياشعيل شيل الحمل دامك تستطيع اللي عقد روس الحبال يحلها
محمد البدراني=
الضلع يامنصور عدوبه سبور أحسب حسابك للمشاكل بالحساب=جود بناها اليوم بالسد المنيع واللي عقد روس الحبال يحلهـا
أنتم بدخنه مابعد جاكم سهور وحنا نعرفه يوم كشر كـل نـاب=
منصور الغيداني=
الضلع راسي لاميول ولاكسور ان كان ماصدقت تاكلك مطاب=كررتها وش صار ياعبد المطيع اللي عقد روس الحبال يحلها
لكن دمك لايفور ولايفور ليا حصل فالوقت ميله وان قـلاب=النشرة اللي عدها رجلن مذيع اللي عقد روس الحبال يحلهـا
محمد البدراني=
أختامها بالمسك معي و بالبخور نجحت يامنصور يوم الانتخاب=منزالكم بالطيبه دايم رفيع واللي عقـد روس الحبـال يحلهـا
ماني مجاملكم ولا احب الغرور مير الصراحه مايغطيها الضباب=مع السلامه نلتقي وقت الربيع واللي عقد روس الحبال يحلهـا