مختصر المحاوره
مضحي بن جمران
سلام والسلام من بعده كـلام=وكلٍ جهازه للمراسل يشحنـه
يامعشر الشعار من قبل الصيام=اللي براسه حب يقرب واطحنه
الصييفي
يا مرحبا يالمستشار ابن الكرام=و الاجهزه مشحونةٍ طول السنه
الله يقبـل للصيـام و للقيـام=و لا ودنا نخلط مساوي بحسنه
رد مضحي بن جمران على الصييفي
دام البقاء لاهنت يانسل الحشام=نبي نبادلـك العلـوم المثمنـه
والمحترم يفرض علينا الاحترام=وليا تفرع درب ميـل ليمنـه
مهجرس الحرف
سلمت يا مضحي ولك رد السلام=وانته ولد جمران منته مطحنـه
لو مانعرفك ماسلمـت الاتهـام=في قافك اللي صعب سهل اللاحنه
رد مضجي بن جمران على مهجرس الحرف
حياك يامهجرس وخذراك المـلام=رجل اتحدا رجال ماهـم مسكنـه
بس احتزم للهوش وفزع بالحسام=لو النصر ضده ماظنـك تضمنـه
رد مهجرس الحرف
وانا معك مدام شرهتك السنام=والشرط قسم اخوان للمتحنحنـه
تراء البحر ماحدٍ ركز فوقه مقام=والعود فحصه فوق جمر المدخنه
رد مضحي بن جمران على مهجرس الحرف
الشاطر الغواص في القبات عام=واللي ماهو غواص يسلم ببدنه
هداج لاوردة على جاله حيـام=ماهي تصدر غير رويانه منـه
شهاب الرحله
يامرحبا والك البقا عالى مقـام=يالوافى اللى بان ليـا معدنـه
حنا ليا منا حضرنا فالخصـام=ان طال شارب بالجزايل نحسنه
رد مضحي بن جمران على شهاب الرحله
ارحب وقرب لاجل اقلدك الوسام=ياشاعر ٍ روعه بيوته والحنـه
االخصم قدمي لاعترف بالانهزام=قبل اعتقه بالزبد راسه ندهنـه
الصييفي
يا مضحي الدعوا وشنهي يالهمـام=أشوف بعض الناس حربـه معلنـه
كيف العمل مع ناس ما ترعى الذمام=يبغى لذا الاشكـال قـص الالسنـه
رد مضحي بن جمران على الصييفي
وشلون يالدكتور غارق بالمنام=والحرب شبة نارها ومدخنـه
لو كل خلق الله تقيد بالنظـام=ماشفت ناسٍ تشتكي متجنجنه
غازي الزغيبي
ياطيبكم يالي تسوقون الجهـام=خليتم الديره عسامـه ودخنـه
وانا على اللي مايجودها االخطام=واللي يقربلـي تـراي ابطعنـه
رد مضحي بن جمران على غازي الزغيبي
يالمستشار الجو غاشيه العسام=والمستشار اخوك عجل وامكنه
جاهم عيا ماتقل في حلقه عظام=وقام يتعوذ من بليس ويلعنـه
الصييفي
ما نمت و متابع و لاحظت الكتـام=وسامع بصوت اللي يفحِّط و اهرنه
بعض العرب شخصيته فيها انفصام=معاد نفهم كثـر هرجـه و ارطنـه
رد مضحي بن جمران على الصييفي
تجمهر الجمهور ومسوي زحام=وتخالطة اصواتهم بالهيجنـه
السلعه اللي ماتجمل ماتسـام=واظن ماتغني ولاهي مسمنـه
مهجرس الحرف
يالربع مضحي نيته ماهي تمام=مير احذروه وخوذو الحيطه منه
تراه ما شنَ الهجوم ابلا مـرام=حنا نعرف الذيب ونعلٌـم عنـه
رد مضحي بن جمران على مهجرس الحرف
الظلـم يالاجـواد مكـروه وحـرام=لكن قعـود الخـال مرخـي برسنـه
في سرعته يوصف على صاروخ سام=حسب الوصوف ادخل على الله وزبنه