لاوا لله الا غدا عيسـى مـع الحـره=اللي بهـا للحبـاري والظبـا طـاري
عيسى لقـا للحبـاري والظبـا جـره=وراح يتصيد مهو عـن الخطـر داري
قد قلت لـه لاتطـب المنطقـه مـره=لكن عصى الراي لين انه جرى الجاري
مايدري ان الهوايـه هـاذي تضـره=تتعب عيونه وقلبـه والجسـم بـاري
ياعيد عيسـى تهـرّب عنـه لاتمـره=تمشي مماشيه ثم تصبح له امبـاري
قد قيـل ماكـل مـره تسلـم الجـره=وانته لبعض النصايح كاتـب وقـاري