يابوش قلي وش بعد موت صدام= قلي علومك يافريخ الحماما
عراقنا كانت به ارزاق وانعام=واليوم مابه غير دمع اليتامى
ياليتني قاضي ترى حكمك اعدام=انته و كوفي عنان وعمك اوباما

يا حسني الدنيا مصالح و أحلام= مهيب دايم صافيه للغشاما
حنا لنا مطمع و هو ضعف الاسلام= و وضع القواعد في ديار النشاما
لو انت قاضي كان قطيتك درام= لنِّي أنا اللي ماسكٍ الزماما

حسني يقول وكل هرجه لها زمام= يا بدو ياللي ساكنينن تهاما
ماعندكم غير السوالف والاقلام=كلن يدينه لا تحرك تواما
اطيبكم اللي بس شتمٍ بالاعلام=و ارداكم اللي مندعس بالثماما

صدام راح وباقيٍ غيره ازلام= و ان ساعد المولى عليهم سلاما
اجي لهم من شرق ولا من الشام=واعين لكن في جسوم النياما
حنا رجال الغرب معنا نسم سام=يودع مباني (000)) هداما

الله يعين اللي يجي ضمن الايام=ما عاد فيكم حشمةٍ واحتراما
راس العرب اصبح تحت وطي الاقدام=وامريكيا ما تعترف بالنظاما
الشيخ فينا لاهو قاعد ولا قام=وصغيرنا ما ينطق الا يا ماما

ما دام عمك سام ماسك لك خطام= اخدم و سوّ اللّي نبي بالتماما
ما نعترف في روس و الا بحكام= الكل يمشي طوع و اهمه طراما
و صغاركم و كباركم مثل الانعام= على العلف ما يشتكوا من زحاما

يابوش مالك بالعرب درع ووسام=حنا عرب نكسر صليب العظاما
غرك زمانك والتعايش بالوهام=نبى نذلك يالبيعر الهلاما
جنودكم شفهم على الباب خدام=باقي رويسك نبتره بالحساما

الشرق الاوسط كلهم شلة خمام=وجودكم مثله مثيل العداما
ما ينفع اخوالك ولا تنفع اعمام=بالمختصر ما عاد فيكم كراما
خلك معي والوعد قدام قدام=الين تاصل عند مسك الختاما

يبا يزيد الهرج والناس نيام=رقاد من مبطي وياما وياما
في هالسنه والعام واللي ورى العام=والمسك ياضح في نهار القياما
حنا عرفنا الله ومع خير الآنام=وانته بها الدنيا وعايش حراما

مدام بعض رجالكم مثل الاصنام= ما عندهم الا رخيص الكلاما
نبي نخليهم على الصفحه ارقام= و ملبوسهم عقب البشوت البجاما
و بكره نخليهم حكايه بالافلام= و ان ما رضوا نودعهم قوانتناما

الله يعين اللي يجي ضمن الايام=ما عاد فيكم حشمةٍ واحتراما
راس العرب اصبح تحت وطي الاقدام=وامريكيا ما تعترف بالنظاما
الشيخ فينا لاهو قاعد ولا قام=وصغيرنا ما ينطق الا يا ماما

يا حسني "إر" "تح" لا تعرض ولد سام= حنا تركناكم سواة النعاما
كلٍّ دفن راسه بحفره و لا قام= و يقول هو عنتر و مِرْوَدْ ظلاما
حنا خذينا درسنا من فيتنام= و انتم كفيتونا التعب و الملاما