لا غرابه في غـريبٍ(ن)يكذب له غريب = الغـرابـة في صـدوقٍ(ن)صـديـقـه كذبه
شاب راسي ياهلي وكتفا هالراس شيب = وكن قـلبي في مـشارط طـبيب تـشـذبه
كيف عال الصوت ماله ردود ولا مجيب = والـمـصـوت بـح صـوتـه زمـانه عـذبه
والليال المـقـبلة مـا عـلمـنا وش تجـيب = يا عـسـى بـقـدومهـا كل قـلـب تهـذبه
لو عـوايـدها تـفـرق حـبـيبن من حبيب = لا قـلـّبـت حـالي حـيـاتـك تـقـل تـلـتـذبه
ما يـجي للآدمي كود ما حـاش الـنصـيب = وعـزتي للي نصــيـبـه بعـيـد(ن)جـذبه
والـردي دايـم ردي واللـه انـه مـا يـطــيب = كل ما قــبـل خـير حـضـه رديـن شـذبه
جرح قلبي من زماني كما جرح الشعـيب = وادي(ن)حدراه صـعـب الغـدير يفـذبه
طـالـبـك وانته كريمن من الداعي قـريب= فـزعـتك للي ما طـب الـيـدين يـحـذبه
ولا غـرابه في غريب(ن)يكـذب له غريب = الغـرابـة في صدوق(ن) صديقـه كـذبه