ملتقى قبيلة حرب الرسمي - عرض مشاركة واحدة - يافايز الموسى عسى الاش يفداك =ويفداك جحاد الوفاء والمعاريف

21-05-10, 04:10 AM


	المشاركة الأصلية كتبت بواسطة مسعد الزغــيـبي


	اخواني واعزائي اعضاء منتدى قبيلة حرب لقد اطلعت على مؤلفات الاستاذ الفاضل فايز موسى البدراني الحربي وما تحتويه من وثائق قيمه وحيث ان هذه الوثائق سواء الموجوده في الدوائر الرسميه او لدى بعض الاشخاص لم ترى النور لولا الجهد الكبير الذي قام به ولقد سمعت من يشيد جهوده وذلك المطلع المنصف وسمعت من يعارض تلك الجهود مع العلم انه لم يقراء او يطلع على مؤلفات المذكورالا انه سمع الحاسد الذي يراء الجميل عكس ذلك ويرغب ان تسير الامورحسب هواه فحمل افكاره وقال باقواله ولا نقول الا الله يهدي الجميع ولاني اعلم انكم من يقدر مجهود ابا تركي المالي والمعنوي وانكم نعم السند له بعد الله فحبيت ان اشارك في منتداكم الكريم بهذه الابيات وعسى ان تنال رضاكم ورضى ابا تركي . يا الله باسمك مبتدى القول واهداك = وابدأ ألقصيده يوم جتلي على الكيف وكتبتها في بوك من زين الابـواك = ونصيتها لمشيم الجار والضيف ويا فايز الموسى عسى اللاش يفداك = ويفداك جحاد الوفـاء والمعاريف ويفداك حســـادا ليا جيــب طريــاك = ينوس بكبده زي حـر المراظيف حسود من حسده حكا فيــك مع ذاك = الجاهل اللـي بالجهل لـه ســواليـف جـاهل ولكن يدعي علـــم الأفلاك = ويروي سوالف جاهل الناس ويضيف ويضيف من عنده على شان ينحاك = ويثبت كلاما قلت له فيه تحريف واللي يبي توضيح عن شي لا جاك = أنته على توضيحة الحق حريف ولك حكمة عن جاهل الناس تنهاك = وإلا عليه تسد في قطعة الليف ولعل رب الكون بالخير يجزاك = ويحماك من سوء الدهر والصواديف وتسلم من العثرات يالقرم يمناك = اللي بها سجلت وانجــزت تأليف تأليف كتـب موثقة صدق وإدراك = ولا تقبـل اللي نوعـها فيــه تزييف وتعبت فيها لين حققـت مغـزاك = ولأهبت من كثر السفــر والتكاليف وجمعتها من عهد ما قبل الأتراك = وجهودكم محسوب عند العواريف وعن مابذلت لحرب مشكور مسعاك = ونرفع لك البيضا بروس المشاريف ومن الزغيبي جزل الأبيات تنصاك = وان كـان لك جزاءً هو زاد تشريف اهداء من أخوك مسعد مصيول الزغيبي الحربي

الله يبيض وجهك ياشاعرنا الجزل مسعد بن مصيول الزغيبي لاهنت والله انه يستاهل ماقلت به واكثر الاستاذ الباحث والمؤرخ /فايز البدراني الحربي وكفو ابو تركي لهذه الشامخه والوافيه ويستاهل الاشاده والثناء من الجميع هو وكل من له جهد واضح يشكر عليه لاهنت لاهنت لاهنت كمال وجمال
يابن العم الكريم سلمت ودمت ولانعدم تواجدك وتقبل مني صادق ودي وجزيل شكري ووافر تقديري لشخصك العزيز والله يحفظك ويرعاك