ياخالد الحصني لك ايام غايب=عطنى السبب يامعرب الجد والخال
مالك تواجد بالليال القرايب=بالملتقى يعل تفداك الانذال
سود القلوب مفرقين الحبايب=اهل الجشع والحسد والقيل والقال
عن الغياب ارجوك عطنى السبايب=وليا سمعنا حجتك يابن الابطال
اما عليك نقوم بعض الطلايب=ودايم لراع الحق مخرج ومدخال
ولا قنعنا ياعطيب الضرايب=في عذركم من دون تشكيك وجدال
ان كان جوك فيه بعض الشوايب=وتشوف في دربك منافق ودجال
اضرب على الكايد تهون الصعايب=للخيل خياله وللحبل حلال
ياما وياما بعد صلف الهبايب =غيم سماها وانهمر تقل شلال
وقامت تغرد فوق خضر الرطايب=ذيك الطيور اللي لها الوان واشكال
حنا بزمن يالقرم كله غرايب=يمكن يجيك من القريبين محتال
يحطها بين النحر والترايب=علة نحر يلعب على كل موال
بالصايبه ولاعلى غير صايب=يبرا لضله مع خبيثين الاعمال