لا ياعيـون الضِبْـى نوحـي=عطفـآ علـى قلبـي الخفّـاق
ثُم أنّزعي الود مـن روحـي=لإنـهُ شــارف الأعـنـاق

حمـام ياللـي تحـوُم هنـاك=في سـد ذيـك الضلاعينـي
(عوّدت عيني على رؤيـاك)=وانـا سبـب علتـي عينـي

لي قلب يشكي ثنعشـر عـام=ومن الألـم مالقـي مخـراج
ومعْ طيلـة الوقـت والأيـام=صار الألـم للفـؤاد عــلاج

آه الهـوى فـي فــؤادي آه=آه الهـوى نـار ماتطـفـي
آه الهـوى والجفـا ماأقـواه=آه الهـوى عِلتـي وضعفـي

صمام قلبـي ونـون العيـن=تفنـنـوا فــي مـآذاتــي
ساروا على مفتـرق دربيـن=مقصودهـم قِـل راحـاتـي

تحسِـب حِسابـك وتنسانـي=وماتصُّف لي يالغضيب حساب
خلاص لاتعـود لـي ثانـي=بانـت حقيقـتـك يـاكـذاب

أبكـي علـى قلـب مايرحـم=قاسـي ومايرحـم الدمـعـه
أبكـي وسالـت دموعـي دم=أبكـي مـن السبـت للجمعـه

صابر على الهـم والتجريـح=كاظم على الغيـض ومـداري
قلبـي جبـل مايهِـزُه ريـح=إلا نسيـم الهـوى السـاري

منهُ جعـل للصفـا سِمسـار=يبيـع قسمُـه ويشـري فيـه
لايعِّـد نفسُـه مـن الشُعّـار=وحرام ليـل الصفـا يسريـه

رحنـا وجيـنـا ومازلـنـا=فـي دائـره مالهـا أخــر
لاوا شمـاتـة عـوازِلـنـا=اللـي لهـا يسخـر الساخـر

كم سيد يشكـي فـراق السيـد=وكم جرح عانا مـن الجـرّاح
قالولـي النـاس بالتأكـيـد=والله الصبـر للفـرج مفتـاح

سايـرت الأيـام والساعـات=وبعـد الدقـايـق ثوانيـهـا
لقيتهـا أصعـب اللحـظـات=للنفـس لاجيـت أبرضيـهـا

لوكـان قـدّرت حُبـي فيـك=ماكان ترضى عليـا الجـرح
والأن حـدّك هنـا ؟ ناهيـك=مادام وصـل الأمُـر للذبـح

أقفـا زمـان الحيـا والعيـب=وأقبل علينـا زمـان أغبـر
ضيّع علـوم الوفـا والطيـب=وأخاف بُكره يضيـع أكثـر

أنصحـك لاتتبـع المقفـيـن=والناقصـه لاتجـي فيـهـا
هذي وصيـه مـن المفتيـن=ورجـال تعـنـي معانيـهـا

حاولت أداري جروح الجوف=وأكتم على الحال وأسبابُـه
لكن قلبي في حالة خـوف=مثل الـذي فاقـد أعصابُـه

في حي يعجبك فـي ممشـاه=وفي حي من مشيتُـه تعجـب
هـذاك يبـغـى الأجُــر لله=وهذاك يبغى الأجُـر مكسـب

الطيب واَضِح وضوح الشمس=وأماكـن الطيـب معروفـه
مهما يسوي ضعيف النفـس=تبقـى معانيـه مكشـوفـه

ياللي غرامك رفع ضغطي=ياما نصحتـك وداريتـك
تخطي وماهو غلط تخطي=أكبر غلط يـوم حبيتـك

صفو القلوب النظيفه مات=واليوم أخذنا التعازي فيه
وماأظن باقي كثر مافـات=يجبرك تحزن على صافيه

المحتـرم لأحتـرم نفسُـه=يكسب معاها إحترام الغيـر
ومن يجعل الخير من غرسُه=يجني حصيل الزراعه خير

صاحِبك لاغيّـر إسلوبُـه=ماأنته على صُحبتُه مجبور
خلُـه بمكـرُه وملعوبُـه=بكره عليه الزمان يـدور

فنك وحُسنك وسير الوقت=رميتها مـن ورا ظهـرك
ياللأسف بعـد ماِشيّبيـت=وأنا اللي أهواك من صُغرك

ياصحاب قلبي كما الكاسه=يستقبل المُـر والحالـي
لجل إنها الروح حساسه=وتموت في عِشقة الغالي

قيس الرجاجيل ياخلي=قِدام سِرّك تفْرِّط فيـه
مالك ومال الرجال اللي=تجيب فالعِلم وتوديـه