شاعر ولك قيمه وحشمه وتقدير=قدر الشحم والعود والشاذليه
يا ملخص الاحداث صوره وتقرير=تحذير واقع واليالي مديه
برحت عن خافي خفايا الخوابير=والدين وصا با التناصح وصيه
من خافي صافي بياض الطباشير=اعلنت وبديت النصايح هديه
وبينت نبع البير للي يبا البير=ولاعد به عله عليهم خفيه
والخير منهاج الوجيه المسافير=واهل الردا هم ساس شر القضيه
في قربهم جمرن مثل نافخ الكير=والمجتمع منهم ماهو واهنيه
في جاه علام الخفا والمقادير=يخصهم با الشر والشمس حيه
با العله الي الطب في وضعها يحير =من صابته حضر بحوض المنيه
وبيوتهم تمشي عليها الجنازير=من شان لا يعدون باق البريه
والا يهاديهم على نية الخير=والمسلمين اخوان في كل هيه