احمد سليمان الجابري=
يامرحبا باللي يغرد كما الطيـر = شاعر ولد شاعر ونفسـه بهيـه
جتك المعاني والليالـي مقاديـر = فيها الحلاء زايد ولاهي رديـه
عنوانهاوين العرب والمناعيـر =يعني على ماقيل مابـه حميـه
الغرب علمنـا علـوم ٍ مدابيـر= وحنا على نهجه نـدق التحيـه
الدرس الاول للبنـات الغناديـر = تترك عبايتهـا وتطلـع زهيـه
وكيف البنيه تهتوي بالمشوايـر = تطلع مع السايق ونفسـه بريـه
وكيف البنيه تعرف العلم وتسير=العلم وأضـح يالعقـول الوفيـه
والدرس الاخر للولد فيه تزوير= خل المراجل والسلـوم الدنيـه
سود الليالي نوخت سالم الزيـر= جابه زمانه وسط حوض المنيـه
صورتلك صوره وتجتاج تصوير=صوره من الماضي وخذها هديه
غير حياتك كلهـا زيـن تغيـر= وتشوف عالم مابعد شفت زيـه
الله وأكبـر نستمـع للخنازيـر= اللي لهم مغـزى علينـا ونيـه
جتك المعاني وأصور والتعابيـر =يعني على ماقيل مابـه حميـه
فايز ال محيسن=
عسا البقا ياللي ترحب على خير = لطيب ولهل الطيب نثني تحيه
هات المعاني واليالي مغاتير = والبدر كامل دون نجم الثريه
واضح لي العنوان ولافيه تقصير = واللي بقاء ياصاح باقي عليه
الغرب يرسل علم فيه المحاذير = والعاقل اللي يدل درب النقيه
و الدروس هذا خاص لم المناكير = البنت ماتُجبر فدروب الخطيه
ولاتروح طورقتها بأمر توني بلير = ولابوش جايب سايق لجل البنيه
أشره على اللي بس يدفع دنانير = وما يوم ينشد بنت من وين جيه
والدرس هذا عدل شر المشاهير = واول ضحيه راح فيها عطيه
شغل على اتلفاز وجات التفاكير = ثم غار لدكان يشري بّليه
هو الذي مختار شغل المصاغير = ولجل ايش عقله مايدل السويه
واما اسخونه ذي لجل العقاقير = تنباع في سوق المنامه ظحيه
وختامها ياالجابري لك تقدير = كالبدر كامل دون نجم الثريه