السلام عليكم ورحمة الله وبركاته ..
إخواني شعراء وأعضاء ملتقى قبيلة حرب ..
أرحب بكم أشد ترحيب ..
وأقدم لكم قصيده من الإرشيف وأتشرف بطرحها
أمامكم ..

أستشف ّ النور لو مابي سرور
ـــــــــــــــــــــ كل ماشمس الضحى تبدي شعاع
ناقم الحاله واراعي كــل زور
ـــــــــــــــــــ لانطق به عيّ وامسى به يــــطاع
في زمـنــّا مـــــابقى للعلم نور
ــــــــــــــــــــ والعجب كل العجب فيما يـــــشاع
جا محل مــفـتـّـح العينين عور
ـــــــــــــــــــــ والجهل راعيه مفتول الــــــــذراع
والنتيجه كــفـّت العين السبور
ــــــــــــــــــــ واقفل ابــــواب العتب طاري وداع
واكتفيت بمامضالي من حضور
ــــــــــــــــــــ واعتزمت البعد خوف امن الضياع
مكسبي عرفي لـــــــوافين الـشبور
ــــــــــــــــــــ والبقا في راس من للعرف راع
ما احتمل شوف الزمن فيني يبور
ـــــــــــــــــــــ من بعد ماكانت فجوجي وساع
ولاخبرت الوقت والــــــدنيا تدور
ــــــــــــــــــــ لين شفت اللي تزعمها الرعاع
يامدوّرلك على حسابي عــــــبور
ــــــــــــــــــ فالعيون اصبحت من سقط المتاع
لو تبا تصنع عذر ما انت امعذور
ــــــــــــــــــ تمّـت الحسبه وطــوّيت الشراع
ماتت الشيمات من بين الصدور
ــــــــــــــــــــــ لالقـــــــــي ولاثني ولارباع
من يخبْرالحيّ ملفاه الــــــقبور
ــــــــــــــــــــ ومــن يخبر الدون منزله الرفاع
مايعيش الحر في عش الـنسور
ـــــــــــــــــــــ ولايموت العز من قلب الشجاع
الذليل يعيش ويموت مــحــَقور
ــــــــــــــــــــــ والـــــــــكرامه كنز لكن مايباع
ياجماعه كيف دمي مايفور
ـــــــــــــــــــــــــ والقضيه شـــــــقها فيه اتساع
حروة العامين واقف بالنحور
ـــــــــــــــــــــــــ بالطليعه واول اصفوف الدفاع
ولاحسبت احساب جحاد وشكور
ـــــــــــــــــــــــــ يوم بعض الناس غايته الخداع
والسموحه كان جا مني اقصور
ــــــــــــــــــــــــــ والعطا يالربع قدر المستطاع
والمقصر بالمواجيب امعذور
ـــــــــــــــــــــــــ يوم بان الزيف وانزاح القناع
بالردى مايستشير ولايشور
ــــــــــــــــــــــــ كود من طبعه مثل طبع الضباع

وسلامكتم يالغالين ..
أطيب الأوقات ..