هلا بك اخوي متعب ورايك على العين والراس يالغالي

واسمح لي اوضح لك وجهة نظري وانا اخوك

لوكان الشي المقطوع من المال شي واحد
كان يصير البيت هذا حل مني للغز
يعني أحدد لك الاسم واكون ما أستفدت شي
والهدف من البيت الاخير إنك إذا عرفت التابع والمتبوع وعرفت إن أسمه المبلغ ففي هذي الحاله بيسهل عليك الشطر الاخير وتفك شفرته بكل سهوله وفي نفس الوقت تكون ضامن الجواب ومتأكد بأنه صحيح 100% قبل يرد على الجواب صاحب اللغز


وبضرب لك مثال من لغز يعتبر من أروع الألغاز إللي مرت علي

يقول ابو زياد

همزة وصل مابين غالب ومغلوب=اجماد لإرسال الاوامر وسيله
إذا قريت الاسم والاسم مقلوب=كائن00واسم وجبه لنفس الفصيله

اسماء الكائنات كثيره

ابو زياد ماحدد اسم الكائن
ولكن إذا عرفنا همزة الوصل عرفنا اسم الكائن

لو قال ابو زياد إن الكائن نسر عرفنا همزة الوصل في ثانية واحده


يقول ابوخالد الفريدي:

انشدك عن رجال يسير بلارجول=ولاهوب يمشي بالدروب البينات
ليا عكست اسمه لك المعنى يقول=انا بشير الخير واعلومي ثبات

اول شي اشكر ابوخالد لأنه خلاني أعكس اسماء الانبياء والمرسلين من آدم حتى محمد صلى الله عليه وسلم

اخوي متعب ابوخالد هنا لو حدد اسم البشير كان عكسنا الاسم وانتهى اللغز

تدري وانا اخوك إني حاولت أحل لغز ابو خالد وعكست حاجات كثيره ماتخطر ببال أحد حتى اسماء الانبياء في الروايات الاسرائيليه وعكست ضيف ابراهيم لأنهم بشروه بإسحاق وعكست كبش ابراهيم لأنه كان فداء لإسماعيل وبشارة وعكست قميص يوسف لأنه كان بشارة ليعقوب واردت بصره من هذا القميص

المهم إني حست ونتفت شعر راسي عشان اعرف هذا البشير وقلت يمكن العرق وإذا قلبناه قرع والقرع فيه حديث يذكر فوائدة


والابيات بهذه الطريقة تعتبر مربط للغز لرفض أي إجابه غير الإجابه الوحيدة والصحيحه للغز
وكذلك الحال في البيت الأخير
اسمه واسم شي من المال مقطوع


هذي وجهة نظري واشكرك اخوي متعب ولك مني جزيل الشكر على التعليق ولك ودي واحترامي
دمت بخير يالغالي